.: LaRaGuDrUn.BLoGsPoT.CoM :.

Master of Science!

2008-05-02T18:54:00.001-04:00

2. maí 2008

2008-05-02T12:42:00.000-04:00

.: Í dag verð ég meistari :.

2008-04-20T15:14:00.000-04:00

Ég held ég tali doldið mikið í símann.......

Bömmer!

2008-04-18T11:33:00.004-04:00

ohhh mig dreymdi að enginn hér í ameríku væri að ráða fólk sem hef'ði eftirnafnið -dóttir!

plús það var Margrét leikfimiskennari sem hvíslaði þessum leyndardómi að mér!

Ja hérna hér!

2008-04-17T21:43:00.005-04:00

Ég á nú bara ekki til orð!

Sýknaður af bótakröfu vegna misheppnaðs golfhöggs

Meikar eiginlega bara ekki sens.... og hann hafi NÁNAST misst sjónina á auganu? hummmm

Auðvitað var þetta bara slys og slys eru í flestum tilvikum óviljandi... eða misheppnaðar tilraunir eins og í þessu tilviki en þessi dómur er algjörlega út í hött!

So true ;)

2008-04-11T13:05:00.007-04:00

Af mbl.is

Naut: Hvað sem kemur í veg fyrir áætlaðar skemmtanir er ekki nógu gott. Reddaðu því á svipstundu. Það eina sem er einhvers virði er ánægjuleg reynsla þín.

Enda er springfestival á morgun... Ludacris með tónleika í skólanum mínum og ossa gaman ;)

YO!

2008-03-31T21:41:00.003-04:00

Mamma og pabbi voru að koma í heimsókn... mmmm pöntuðum okkur Haru sushi og steik heim... jumm jumm jumm...

Pabba er kalt... hitinn er á... mér er heitt....

Ætlum að gera eitthvað skemmtilegt á morgun...

LáRa

Ég er alveg ennþá á lífi..

2008-03-28T13:46:00.002-04:00

... og meira en vel það ;)

Af mér er bara allt stórkostlegt að frétta.. eins og fyrri daginn..

Skrapp heim til Íslands í Spring Breakinu í 10 daga og var það yndislegt til að hlaða batteríin og knúsa vini og fjölskyldu. Er nokkuð stollt af því hvað ég optimizaði þetta vel og náði því að hitta nánast alla mína bestu vini. Sérstaklega ánægð með að hafa skellt mér í dinner með Magneu og Lilju og slúðrað aðeins og að hafa kíkt til hennar Silju minnar.. Silja það er eins og við hefðum bara hist í gær.

Nína hélt upp á 7 ára (28ára) afmælið sitt þann 29 febrúar og af því tilefni skelltum við okkur á Domo í ossa gott sushi í stórum góðum vinahóp. Síðan var tjúttinu haldið áfram í Skipasundinu og eins og okkur er einum lagið ... dönsuðum við á dansgólfinu í stofunni með diskóljós fram á rauða nótt... Bryndís þú ert æði!

Skrapp upp á Skaga til Huldu minnar og það var gaman að sjá hvað þau eru búin að koma sér vel fyrir. Síðast en ekki síst hélt ég yndislega skemmtilegt matar-potta-og-gufu partý fyrir stelpurnar á föstudeginum áður en ég kom aftur út...

Það er amk nokkuð víst að ég á bestu vini í heiminum!

Það er búið að vera nóg að gera á öllum vígstöðum síðan ég kom aftur út. Ég er formlega búin að taka ákvörðun að vera hérna úti í eitt ár í viðbót.. búin að skrifa undir ársframlengingu á leigunni og búin að sækja um OPT pappírana... svo núna er bara að finna vinnu.. anyone??

Þið sem eigið eftir að heimsækja mig .. já eða viljið koma aftur hafið því ár í viðbót ...

Ég útskrifast 2 maí nk. og byrja ekki að vinna fyrr en í fyrsta lagi 2. júlí þannig að ef einhver er að láta sig dreyma um sumarfrí á þessum tíma þá er hann velkominn að njóta þess hérna með mér í Boston... því ekki kemst ég heim til Íslands fyrr en ég er komin með vinnu....

Framundan er alveg hellingur að gera.. Mamma og Pabbi koma hingað 31.mars nk og verða í nokkra daga... svo eru JayZ - MJB tónleikarnir ... og svo kemur Nína 24.apríl... og svo mamma pabbi og Gerða 1. maí... öll til að vera viðstödd útskriftina mína... Það verður eflaust margt og mikið skemmtilegt brallað þá.

Og hei.. eitt í viðbót... Jeiii ég var að kaupa mér Blackberry... jeiiiiii

Lofa að láta ekki svona langt líða þangað til næst....sendi spes knús til Birnu Lillý.... langar svo að hitta þig... Biggi.. vertu duglegur að setja inn myndir fyrir Láru frænku í Ammmríku.

Prinsessssssssaaaaa :)

2008-03-25T12:25:00.004-04:00

Já, ef það er ekki tilefni til að blogga í dag... þá veit ég ekki hvað!

Litla prinsessan ákvað loksins að láta sjá sig... verður eflaust algjör dekurrófa eftir að hafa látið mömmu sína og pabba bíða svona lengi eftir sér.

Til hamingju elsku Guðrún og Bigginn minn!!!

Just Fine Fine Fine Fine....

2008-02-12T11:18:00.001-05:00

Mary J. Blige & Jay-ZEf þetta verða ekki einhverjir mögnuðustu tónleikar sem ég á eftir að fara á... tja þá verð ég hlessa! Can´t waiiiiiiiiiiit :) og bara svona til að vekja meiri öfund þá eigum við sæti í section B!

Homeless in Boston...

2008-02-01T13:41:00.000-05:00

Átti skemmtilegt spjall við heimilislausan mann á Boylston street með vinum mínum úr skólanum í gær.. Hann var að spjalla við okkur um daginn og veginn...

Homeless guy: "What nation are you from?"

We all: " Ísland, Noregur, Pakistan, Úkraína etc..."

Homeless guy: " Ohh I thought you were from doNation?"

.....

Síðan ákvað hann að tjá sig aðeins um ástarmálin sín...

" You know.. I only date homeless giRLs.. because after the date... I can just drop them home anywhere I want! :)"

HHP - húmors- heimilislaus piltur þar á ferð ...

Detti mér nú allar...

2008-01-07T08:06:00.000-05:00

Var að taka til í veskinu mínu áður en ég pakka niður... fann kvittun af pizzunni sem við Dagga fengum okkur á föstudagskvöldið....

Það er ekki nóg að ég hafi borgað 2665 kr eða tæpa $43 fyrir eina 16" pizzu heldur þá rak ég augun í að það kostar 550 kr að fá pizzuna senda heim ....

SÆLL ... EIGUM VIÐ AÐ RÆÐA ÞETTA EITTHVAÐ???

Fiðrildi..

2007-12-11T11:37:00.001-05:00

Lokaprófið í kvöldið, verkefnavinna á morgun og svo kynning á því um kvöldið... og svo bara búið :) Síðan ætlum við krakkarnir jafnvel að kíkja í einn bjór.

Síðan er það bara að versla smotterí.. pakka niður og skella sér til Íslands :)

wow tékkið á þessu!

2007-12-10T12:46:00.000-05:00

http://bigheaddc.com/2007/12/07/teen-calls-bushs-secret-number-creates-security-scare/

http://abcnews.go.com/Politics/Story?id=3973925&page=2

SNILLD ;)

Boston fréttir

2007-12-07T18:23:00.000-05:00

Ég er búin að vera að fá athugasemdir hvort ég sé ennþá á lífi... tjah það er amk ennþá púls... og ég ætla rétt að vona að hann þrauki til 13. desember þegar ég legg af stað heim til Íslands. Það er hins vegar alveg búið að vera alveg hellings nóg að gera hérna hjá mér síðan í byrjun nóvember. Ég ákvað að skella mér í gistihúsabransann og opnaði Guesthouse Lára á dögunum. Móttökurnar voru framar væntingum og hefur verið hér stanslaus straumur síðan 8 nóvember.
Ekki slæmt það.

8.nóv - 12.nóv
Elva Rósa skellti sér í heimsókn til mín 8. nóv. Það var ótrúlega gaman að fá hana og rifja upp alla gömlu góðu dagana í Eikjuvoginum. Við náðum að gera alveg hreint heilan helling.. versla og borða góðan mat. Fengum okkur örlítið í aðra tánna og sungum aaaaayyyyyoooo spurdísígörí ble ble technology út í eitt með misgóðum árangri.. en æfingin skapar víst meistarann sagði einhver vitur maður! Takk fyrir að koma og ég hlakka til að sjá þig um jólin.
Ég skutlaði síðan Elvu Rósu út á völl þann 12 nóv. en viti menn... haldiði ekki bara að Nína Björk hafi staðið á flugvellinum bara eins og ekkert væri ... SURPRISE ;) alveg rúmri viku á undan áætlun. Vá.. ég ætlaði ekki að trúa mínum eigin... var eiginlega bara orðlaus í orðsins fyllstu og sagði bara " hvað ert þú að gera hér?" Held að það hafi tekið mig heilan dag að fatta að hún væri actually hérna í Boston. Ég var obboðslega glöð að sjá hana... og líka aðallega tölvuna hennar sem hún tók með sér.. enda búin að vera tölvulaus í meira en viku og fráhvarfseinkennin farin að segja til sín.

12. nóv - 27.nóv
Þar sem mikill lærdómur var planaður þessa vikuna þá þurfti ég að vera smá niðrí skóla.. en það var bara ótrúlega gott að hafa Nínu sem þekkir Boston út og inn þannig að hún gat dúllað sér á Newbury og hér og þar. Kíktum á tjúttið með Rebeccu og Camillu og fleiri krökkum úr skólanum á Rumor á þriðjudeginum... ekkert smá gaman - dönsuðum af okkur lappirnar...

Það var einstaklega gott að fá hana Nínu mína til mín á meðan það var svona brjálað að gera í skólanum.. því Nína tók sig til og eldaði ofan í okkur svona líka þessar fínustu kræsingar dag eftir dag.. þá sérstaklega jummí íslensku kótiletturnar sem við keyptum í Wholefoods. Þú ert fyrirtaks Au-pair og þú mátt alveg setja mig á meðmælendalistann þinn :)

Fórum svo út að borða með Jóni Oddi sem býr hérna í Boston og var að vinna með Nínu á Hertz. Fórum á Haru Sushi (sem er sami staðurinn og við borðuðum á í Philadelphiu í roadtripinu) OSSSSAlega staður.. fór þangað reyndar líka með Elvu Rósu... risalega gott jummjumm.. Kíktum svo á Kings í pool.. þrusu stuð. Kíktum aðeins í mallið en höfðum það annars bara rólegt og gott þess á milli sem ég var ekki að læra niðrí skóla.

17.nóv - 22.nóv

Á föstudeginum 17. nóv vaknaði Nína aðeins á undan mér og var að tala við Bryndísi á msninu.. Bryndísi langaði svo rosalega mikið að vera hérna með okkur þannig að Nína sagði henni bara að skella sér... hún reyndar var þá orðin og sein fyrir föstudagsflugið þannig að hún skellti sér bara til okkar á laugardeginum. Elska svo skyndihugmyndir - þær eru langskemmtilegastar. Það var líka æði að fá Bryndísi út og núna held ég bara að það séu nánast flestir búnir að koma í heimsókn til mín. Auka kostur var líka sá að þá gat ég líka verið áhyggjulaus niðrí skóla og þær tvær að dunda sér saman í búðunum og svona :)

Bryndís var varla lent þegar við drifum hana út að borða með okkur, því verkfræði-Íris var í heimsókn með frænkum sínum hérna í Boston þannig að við skelltum okkur út að borða með þeim og Möggu. Ég var frekar upptekin í skólanum þennan mánudag og þriðjudag þannig að Nína sýndi Bryndísi í allar Urban búðirnar ;) ásamt góðu rölti um Boston.

Á þriðjudeginum fórum við svo tjútta með vinkonum mínum hérna í Boston og á þetta lag eftir að minna mig endalaust á þig Bryndís... Tja ef maður náði ekki bara að fá Bryndísi tipsy :) Ógeðslega gaman :)

21.nóv - 27.nóv

Elsa, Oddur og Oddur Bjarki mættu á svæðið miðvikudaginn 21. nóv. Ótrúlega gott að fá þau og þótt ótrúlegt sé þá sváfum við samtals 6 hérna í íbúðinni minni ;) Geri aðrir betur ... Það fór nú samt bara alveg ótrúlega vel um okkur. Ekki skemmdi heldur fyrir að Elsa og Oddur komu út með nýju tölvuna þannig að loksins komst ég í samband við umheiminn aftur ;) Ekki það að bloggið hafi notið góðs af því heheh ;)

Bryndís fór svo heim á fimmtudeginum - Thanksgiving - eftir gott rölt um borgina í 20 stiga hita. Eitt sem ég á aldrei eftir að geta áttað mig á eru hitastigsbreytingarnar hérna milli daga :) En þetta var kærkomið þar sem það var lokað í öllum búðum (HJÚKK loksins pása) og við gátum notið þess að labba í rólegheitunum um borgina. Bryndís fékk kalkún í hádeginu á meðan við fengum okkur eitthvað annað til að spara okkur fyrir kvöldið. Við Nína skutluðum henni út á völl og fórum svo öll saman á Four Seasons hótelið hérna í Boston og fengum rosa góða Thanksgiving máltíð.

Verslunarpásan stóð ekki lengi því við tók ein mesta geðveiki sem ég hef upplifað á minni ævi! Black Friday er dagurinn eftir Thanksgiving þar sem flestar búðir opna 6am (jafnvel á miðnætti) og eru opnar langt fram á kvöld og geðveikar útsölur í gangi. Við tók sem sagt 14 tíma verslunarferð! Jamm, engar ýkjur þar á ferð .. vorum komin út milli 8-8.30 am og vorum ekki komin heim fyrr en 11pm. Fórum fyrst í Galleria mall - síðan heim að tæma bílinn! YES seriously.. og síðan áfram í South Shore mallið og þaðan svo í Wrentham outlet. Pjúff Fjúff.. Mikið gaman og mikið hlegið.. já og mikið verslað.

Að sjálfsögðu var svo meira verslað næstu dagana enda enduðu þau með 6 fullar ferðatöskur og 2 golfkerrur á leiðinni heim! Tjah bara ööööörlítið verslað :)

Já, það er ekki annað hægt að segja en byrjunin á Guesthouse Láru hafi verið glæsileg enda stanslaus straumur af fólki. Hins vegar hefur stjórnin tekið ákvörðum um að loka tímabundið rekstrinum fram í janúar á næsta ári.. Hægt er að leggja inn pöntun hér.

Það var mjög skrýtin tilfinning að vera allt í einu bara ein í kotinu ... og það var líka bara eins og íbúðin mín hefði stækkað um alveg helling af fermetrum eftir allir fóru... það var líka búið að versla svo mikið að ég hefði hæglega getað opnað LáRA's (get it.. Macy's) .

Við tekur nú alvara lífsins enda nóg að gera og aðeins 5 dagar í að önnin klárast.

Kynningin gekk bara nokkuð vel... En það verður fínt að ljúka þessu af... svo er bara að skila marketing planinu mánudaginn 10.des, próf þriðjudaginn 11.des og kynnning á öðru verkefni 12.des. og svo bara pakka og leggja svo af stað heim 13.des. Svo er líka rosa gaman að Rebecca bókaði flug á sama degi heim og ég þannig að við verðum samferða ég fluginu heim.. ég til Íslands og hún áfram til Noregs.. verður eflaust mikið fjör.

Ég hlakka bara til að sjá ykkur öll á klakanum heima... stórefast um að ég bloggi eitthvað meira áður en ég fer heim... enda alveg KREISÍ að gera hérna!

Hafið það gott ... pís át LáRa ;)

Sérstakar kveðjur til pabba sem bíður spenntur heima eftir að ég bloggi og auðvitað til Bryndísar sem á afmæli í dag...

Það er lífsmark...

2007-12-03T11:02:00.000-05:00

.... get ekki beðið eftir að þessi dagur verði að kvöldi kominn...

Kynningin á verkefninu mínu er í kvöld.... þannig að það er stress fiðrildi í mallakút :=)

Lofa góðu bloggi á morgun!

LáRa

I'm DEAD!

2007-11-05T13:52:00.000-05:00

Tolvan min crashadi! Lifid er ekki skemmtilegt nuna...

Hey..

2007-10-26T18:28:00.000-04:00

Ég er búin að kaupa mér flugmiða heim til Íslands um jólin...$463 eða 28,525 krónur! Botna ekki alveg í því af hverju þetta var svona ódýrt... ætli ég þurfi að sitja út á væng.. já eða í farangursgeymslunni.... tja ég ætla ekki að kvarta mikið :) (kem heim morguninn 14. des og fer aftur út þann 8. jan... )

Af því tilefni ákvað ég bara að kaupa mér skó í dag :) Ég meina ég græddi beisikklí alveg 15 þús krónur á þessum flugmiða þannig að af hverju ekki að skella sér á skó sem eitt sinn kostuðu $120.. en voru á útsölu á $89... þegar ég var síðan búin að borga þá kom í ljós að þeir kostuðu bara $69... djís hvað ég er búin að græða hellings mikið í dag :)

Nánast gefins.. og kom nánast út í plús í dag :)
Herlegheitin, svona svart silfur sanseraðir pæjuskór :

Boston News

2007-10-26T10:38:00.000-04:00

Vildi nota tækifærið og óska Ingu Rut, Einari og Hönnu Björg til hamingju með litlu sætu Heklu Dögg.. hlakka til að sjá ykkur um jólin og það var gaman að heyra í ykkur í gær.

Síðan er ég orðin rosa spennt því Elva Rósa vinkona ætlar að koma til mín og heiðra mig með nærveru sinni 8.nóv - 12. nóv. Eins og hún orðaði það... þetta verður alveg eins og þegar við gistum alltaf saman í gamla daga í Eikjuvoginum.. annað hvort í 13 eða 29 :) Eigum án efa eftir að rifja upp margar skemmtilegar minningar og hlæja mikið ... Hlakka til að fá þig skvísa.

Síðan fer heldur betur að styttast í að Nína, Oddur, Elsa og Oddur Bjarki lenda hér.. en þau eru áætluð hér 21. nóv. og ætlum við að eyða Thanksgiving saman. Það verður eflaust tekinn einhver verslunarpakki... og þá er um að gera að klára jólagjafapakkann líka því ég verð í prófi og verkefnum til 12 des og síðan er planið að koma heim morguninn 14. des :)

Þetta á eftir að verða ótrúlega fljótt að líða og strax búið að plana ýmislegt sem verður brallað í jólafríinu... en segi meira frá því síðar þegar það verður komið á hreint ;)

Kveðja frá Boston

Lára

GO RED SOX!

2007-10-25T02:10:00.000-04:00

Já hér er sko alveg hellings hellingur að gera. Ég fór sem sagt á tjúttið með Rebeccu og Camillu á föstudaginn.. ætlaði ekki að drekka neitt en humpf you know me... gat varla staðið við það.. þannig að laugardagurinn fór í pínu þynnku og rólegheit en ekki massa lærdóm eins og ég ætlaði mér. En skemmti mér hins vegar konunglega með stelpunum og við ætlum aftur út næsta laugardag.

Doddi var með tónleika í Boston á sun og mán þannig að við skelltum okkur öll saman út að borða.. ég, Ásdís, Magga, Olga, Garðar, Gummi og Doddi á India Quality... fengum okkur einn öl og síðan var bara farið heim í háttinn... enda stór lærdómsdagur daginn eftir. Red Sox vann svo American League á sunnudagskvöldið eins og kom fram í fyrri færslu þannig að núna eru þeir komnir í World Series.
Prófið var síðan í gær.. og stóð ég mig svona líka rosalega vel... !

Fyrsti leikurinn í World Series var síðan í kvöld ... þannig að við ákváðum að fara nokkur saman úr bekknum að horfa á leikinn saman... fengum okkur gott að borða og horfðum svo á leikinn og skemmtum okkur konunglega enda vann Red Sox 13-1. ÉG (Ísland), Rebecca (Noregur), Anish (Indland), Gibran (Pakistan), Wittney (USA), Robert (USA), Sergei (Úkraína) og Matt (USA)... rosa fjör... svo er næsti leikur á morgun og ætlum við að hittast aftur yfir leiknum og fá okkur einn öl :)

Það var ekkert smá flott að sjá Prudential í kvöld... merktir GO SOX :)

Ég er stórskrýtin..

2007-10-23T16:23:00.000-04:00

Já.. held það barasta..

Ég er alltaf frekar stressuð fyrir próf.. Sér í lagi á dögum fram að prófdegi... Síðan á prófdeginum sjálfum þá fyrst verð ég yfirleitt voða chilluð... (fer eftir því hvort maður kann námsefnið ágætlega eða ekki)... Svo gerist það furðulega... svona tveimur tímum fyrir próf... sem er akkurat núna þegar þetta er skrifað.. þá verð ég stressuð yfir því að vera ekki stressuð!

What the fxxk?

Svona er maður skrýtinn.... en ég ætla nú samt að rúúústa þessu!

BASEBALL BRJÁLUÐ BOSTON!

2007-10-22T00:11:00.001-04:00

YEAH BABY!

Það er allt gjörsamlega að verða vitlaust hérna í Boston... 3 ungir drengir voru rétt í þessu að hlaupa fram hjá húsinu mínu með pottlok og sleif... annar stór hópur hlaupandi öskrandi eins og vitleysingar og lætin frá Fenway Park heyrðust alla leið hingað sem og lætin í öllum þyrlunum sem sveima hérna yfir... :)

Boston Red Sox urðu rétt í þessu American League meistarar og eru á leiðinni í World Series og að sjálfsögðu ætlum við að vinna það líka! Þetta var magnaður leikur og við gjöööörsamlega rústuðum þeim :) Jon vinur minn í skólanum er búinn að kenna mér svo mikið í baseball að ég er orðinn algjör sérfræðingur og finnst hrikalega gaman að fylgjast með þessu... Við Rebecca erum meira að segja strax búnar að skipuleggja að fara á einhvern sportklúbb á miðvikudagskvöldið eftir tíma og horfa á fyrsta leikinn í World Series...

Jamm ég vildi bara láta vita.. var að horfa á leikinn með öðru (báðum) á meðan ég var að læra undir prófið... :) Ætla að halda áfram...

Það eru 1200 lögreglumenn fyrir utan Fenway Park og það er allt troðið... og samt er nánast enginn farinn af vellinum því leikmennirnir eru á leiðinni aftur út á völlinn eftir kampavínsbað í búningsherberginu... Úff eins gott að maður er ekki þarna.. það verður mikið fjör þegar 30þús manns bætast við út á götu! :)

Bið að heilsa í bili, LGG

ritgerð smitgerð!

2007-10-21T17:33:00.000-04:00

Ég vildi að ég væri þeim hæfileika gædd að þegar ég les yfir eitthvað einu sinni þá myndi ég muna það um aldir alda.. orðrétt og fullkomið ;) Partur af prófinu á þriðjudaginn verður ritgerðir.. Jeiiii en hvað það er gaman að fara í svoleiðis próf :)

Krossaspurningar.. ritgerðir og svo dæmi... ég kann bara að læra fyrir dæmi :)

En by the way.. hvers konar orð er "gædd" .. mér finnst það sérlega óaðlaðandi orð!

2007-10-19T19:47:00.001-04:00

21°C úti og ég á leiðinni á tjúttið...

Allt að gerast.... á sama tíma!

2007-10-19T10:33:00.000-04:00

Maður spyr sig, hvurs vegna er það svo að það lendir þannig að það sé allt að gerast ákveðna daga og svo nánast ekkert suma daga!

Þannig er mál með vexti að ég er að fara í 40% próf í einum kúrs á þriðjudaginn næsta! Gott og blessað með það.. er búin að vera nokkuð dugleg að læra.. en þar sem bæði er um að ræða dæmi, krossaspurningar og ritgerðarspurningar þá einhvern veginn er maður aldrei búinn að læra nógu mikið. Ég hef því nóg fyrir stafni með það eitt saman fyrir þriðjudaginn næsta. Svo ekki sé minnst á case sem ég þarf að klára fyrir tímann á mánudaginn ... og halda áfram með annað verkefni sem er í gangi alla önnina.... Já.. eins og það sé ekki nóg...

Þá eru Rebecca og Camilla, tvær norskar vinkonur mínar að reyna að draga mig á klúbb í kvöld þar sem þær ætla að dansa af sér rassgatið og það er frítt vín til miðnættis og verður fyrirpartý heima hjá Rebeccu. Svo er líka bjórkvöld hjá Íslendingafélaginu í kvöld.. Síðan eru Ásdís og Doddi að koma til Boston og eflaust verður einhver hittingur úr því... RedSox eru að spila annað kvöld og væri líka gaman að sjá þann leik... Doddi er með tónleika á sunnudagskvöld og mánudagskvöld og svo framvegis og framvegis... Núna stend ég frammi fyrir því að velja hvað ég hef tíma til að gera... Ef ég þekki mig rétt þá langar mig að vera allsstaðar! en... samviskan mín segir að ég ætti nú að vera heima að læra en ekki fara að tjútta í kvöld með stelpunum...

Svo kíki ég á mbl...

Naut: Áður en þú heldur áfram, stansaðu þá og hældu sjálfum þér fyrir hversu langt þú ert kominn. Það gefur góða orku í kvöld að leika eða hlusta á tónlist.

WTF? Hvað á ég nú að gera.... ;) OG af hverju var þetta ekki allt síðustu helgi... já eða næstu helgi!

Sko...

2007-10-13T21:06:00.000-04:00

hver neitar því að versl sé íþrótt?

Ég er amk komin með tennisolnboga af of-versli .....

Ja hérna hér..

2007-10-13T17:48:00.000-04:00

Gerða og Arna Rán mættu á svæðið á miðvikudagskvöldið og síðan þá erum við búnar að bralla alveg heilan helling! Byrjuðum á því að skreppa í Wrentham outlet og Silver Galleria á fimmtudaginn og elduðum okkur svo gómsætan mexíkanskan mat eftir skemmtilega og minnistæða verslunarferð í Wholefoods :)

Á föstudaginn löbbuðum við svo alla Newbury Street og höfðum það kósí og fórum svo gott út að borða um kvöldið. Mikið hlegið og mikið gaman. Vorum núna að koma úr Galleria Mallinu í Cambridge og þar var AÐEINS verslað... Myndin hér að neðan sýnir ekki nema 17 poka... sem er þó aðeins brot af því sem búið er að versla síðan þær mættu á svæðið... Við erum þess vegna núna á leiðinni út í Target og Marshall´s að finna auka ferðatösku hehehe :)

Hafið það gott og við söknum allra heima...

kv. Lára, Gerða og Arna Rán.

Unnur Gréta...

2007-10-10T13:43:00.000-04:00

Elsku Unnur Gréta mín hefði orðið sextug í dag!

Þín er sárt saknað!

I´m one of the 55. Are you?

2007-10-08T12:19:00.000-04:00

Don´t even think about using spell check!!

Prófið að lesa textann hérna fyrir neðan upphátt! og athugið hvernig það gengur :) Ég var amk einn af þessum 55%. Látið mig vita hvernig ykkur gengur.

fi yuo cna raed tihs, yuo hvae a sgtrane mnid too. Cna yuo raed tihs? Olny 55 plepoe out of 100 can.

i cdnuolt blveiee taht i cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheearch at Cmabrigde Uinervtisy, it dseno´t mtaetr in waht oerdr the ltteres in a wrod are, the olny iproamtnt tihng is taht the frsit and lsat ltteer be in the rghit pclae. The rset can be a taotl mses and you can sitll raed it whotuit a pboerlm. Tihs is bcuseae the huamn mnid deos not raed ervey ltetet by istlef, but the wrod as a wlohe. Azanmig huh? and yaeh .. I awlyas tghuhot slpeling was ipmorantt!

Og.. hvernig gekk ? :)

ARG

2007-10-08T00:47:00.000-04:00

ohhh ég hata að eiga svona margar TV-seríur á DVD.... maður verður algjörlega addicted og ég hreinlega get bara ekki hætt..... á móti kemur að ég er líka pirruð yfir því að þurfa að bíða í heila viku eftir þeim þáttum sem á ég ekki á DVD...

HELP - I´m torn :) Algjört Loooooose Loooooooooose situation! Einhver ráð þarna úti ??

Annars heyrði ég í ótrúlega mörgum skemmtilegum í dag... Mamma og pabbi hringdu frá Spáni... Gerða hringdi líka og eru þær mæðgur orðnar hrikalega spenntar yfir því að vera að koma á miðvikudaginn jeiiii ég líka.... og svo talaði ég fullt við hana Nínu mína og svo hringdi hún Dagga mín... Alltaf gott að tala við góða vini... eins gott að ég sé með 1000 mín. símaplan tíhíhíhíhíh :)

Interesting stjörnuspá :)

2007-09-27T23:10:00.000-04:00

Af mbl.is:
Naut: Fjárhagsstaðan þín núna er beintengd ákvörðunum sem þú tókst fyrir tveimur árum. Og eftir tvö ár verðurðu ánægður með stöðuna í dag.

Tja..Jóhannes Karl... hvað getur maður sagt :)

2005 ákvað ég að fara til Ammmríku í skóla... það hefur og mun vissulega kosta sitt... Hlakka til að sjá hvar ég verð 2009 :)

Maður spyr sig...

MY FAMILY IS BACK

2007-09-27T22:16:00.000-04:00

Það hlaut að koma að því!

2007-09-27T19:58:00.000-04:00

Já... það hlaut að koma að því að ég myndi læsa mig úti... Nína mín hló bara og hló og sagði gott á mig ... hummm mér finnst það nú bara ekkert heheh ;) Lán í óláni samt að það skyldi vera 25 stiga hiti en ekki 25 stiga frost tíhíhíh.... Þurfi nú samt alveg að bíða í rúmlega hálftíma eftir að öryggisvörðurinn minn myndi opna fyrir mér ...

Það er amk nokkuð ljóst að ég nenni ekki að læsa mig úti aftur ;)

2007-09-26T11:29:00.000-04:00

Góður maður sagði eitt sinn:
What doesn´t kill you, only makes you stronger!

Vonum að hann hafi rétt fyrir sér ;)

OUCH!

2007-09-25T21:23:00.001-04:00

Vona að þetta sé ekki satt!
http://www.en.rian.ru/russia/20070924/80694850.html

Lífið er bara of erfitt :)

2007-09-25T13:07:00.001-04:00

Já lífið í Boston er hrikalega erfitt ... ;)

Kom mér fyrir upp á svölum á 2. hæð á Student Center þar sem voru voða kósý stólar og borð og meira að segja sólbekkir... ein skvísan lá meira að segja í sólbaði á bikiníinu... Samt sem áður gafst ég hreinlega upp eftir um það bil 20 mín þar sem ég sá fram á að læriafköstin yrðu ekki stórkostleg í þessum hita... Þurfti að nota tölvuna til að finna gögn og var það vita vonlaust að reyna að sjá eitthvað á tölvuskjáinn... ég veit þú sagðir það Nína.. en það mátti reyna.

Ég er því komin inn á bókasafn að reyna að gera eitthvað af viti... sjáum til hvernig það gengur.. það er amk gaman að hugsa til þess að það sé 30°C úti og ég er í stuttu pilsi hlýrabol og flipflops.. hvað segiði.. er ykkur kalt heima ;) hhahahhahhahahahhaha

Já það er sko alveg hellings hellingur að gera í skólanum... Fullt nýtt að læra og nógur andskoti að lesa. En svona er lífið.... Guðrún mín kemur á föstudaginn og get ég ekki beðið eftir að knúsa hana fast og mikið :)

So you think you can dance showið var geggjað. Við skemmtum okkur konunglega slefandi yfir geggjuðum dönsum... Meira að segja Magga er orðin skotin í Danny heheh ;) Takk Magga fyrir frábært kvöld og góðan spjall göngutúr heim... Setjum pottþétt einu sinni í viku möst stelpudeit :)

Bestu kveðjur úr sólinni...

LGG

So you think you can dance!

2007-09-21T10:41:00.000-04:00

Þannig er mál með að ég hreinlega elska þessa þætti og fylgdist vel með þeim heima á Íslandi í sumar :) Þau eru ekkert smá góð og fljót að tileinka sér nýjar dansaðferðir á no time. Enda voru sumir dansarnir ógeðslega flottir. AMK þeir sem þekkja mig vel vita að ég er idol fan og núna líka So you think you can dance fan :) Nema hvað........ 10 efstu dansararnir fara núna á túr um öll Bandaríkin og byrja að sjálfsögðu í Boston baby.... Ég er búin að vera að kíkja á miða alveg í heilan mánuð en það hefur alltaf verið uppselt. Showið er sem sagt á morgun þannig að allt í einu datt mér í hug að kíkja hvort það væru ekki til miðar .. og viti menn... tveir miðar á bara nokkuð góðum stað held ég barasta... Þannig að ég hringdi í Möggenstein og hún hafði einmitt haft það í huga að fá mig eitthvað út með sér þannig að við ákváðum bara saman að skella okkur á So you think you can dance annað kvöld :) Vá hvað ég hlakka til að sjá alla þessa dansara og flottu dansana þeirra jeiiiii :)

P.S. Guðrún sæta mín - til hamingju með afmælið í dag... Hafðu það gott í Þýskalandinu...

2007-09-20T10:19:00.000-04:00

Má ekki vera til grænn blettur í Reykjavík? Maður spyr sig.....jafnvel þó að þetta eigi að vera sambýli...

Ohhh...

2007-09-19T12:42:00.000-04:00

.... mér finnst ógeðslega leiðinlegt að versla á netinu með ÍSLENSKU kreditkorti!

Sko þannig er mál með vexti að ég fór á tjúttið í fallegu steve madden skónum mínum og... ég.... sko veit ekki alveg en þeir líta ekki eins vel út og þegar ég fór út á þeim... Dagga og Helga eru vitni að því... veit ekki hvað gerðist en það er svo sem ekki alvarlegt.. ekki eins og New Orleans skórnir forðum daga... en ég tók þá viturlegu ákvörðun að athuga á netinu hvort það væri ekki til eins par í staðinn fyrir að eyða pening í að reyna að lappa upp á útlitið á gömlu skónum..

Jú viti menn.. Zappos baby átti fyrir mig glæsilega nýja fallega alveg eins skó þannig að ég skellti mér á svo sem eins og eitt stykki...

Allt gekk eins og í sögu þangað til ég fékk póst áðan:

Subject: Problem with your Zappos.com order.... óóh æææ

Unfortunately, because you are using an internationally issued credit card, our order system is notable to automatically verify your information. Therefore, in order to process your order we need the following information for a manual check:

* A copy of the credit card (front)

* A copy of a valid photo ID

* Two (2) valid phone numbers where you can be reached

Í fyrsta lagi þá setti ég inn shipping address og billing address og þar var tekið fram að það væri ok ef það væri sitthvort ef maður væri með international kort! GOD DAMN! Og hvað er svo með það að það þurfi tvö valid símanúmer! Ég á nú bara eitt og finnst ég nú bara tala alveg nógu mikið með eitt símanúmer.... Djís!

Svo er ekki eins og það sé auðveldast í heimi að útvega sér amerískt kreditkort! Það er svo sem alveg sama hversu mikinn pening maður ætti og hversu duglegur maður hafi verið að borga alla reikninga á réttum tíma s.l. ár.. maður þarf að vera með credit og það gott credit.. og síðan þessa fuxxing social security kennitölu!

ARG GARG! Lenti í endalausu bulli í haust líka... þegar ég var að kaupa sjónvarp og rúm og fleira og fleira og þá var gott að hafa aðgang að Doddý frænku í Ameríku já og líka hinum aðilanum sem heitir líka Doddý :)

Well.. farin að ljósrita og skanna líf mitt til að senda á zappos svo ég geti farið sæt á bjórkvöldið með íslendingunum á föstudagskvöldið!

Dullllllleg :)

2007-09-19T12:38:00.001-04:00

Jeiii ég er búin að fara í ræktina ...

mánudag, þriðjudag, miðvikudag!

Duglega ég *klapp á bak*

Já!

2007-09-18T22:23:00.001-04:00

Tíminn minn í kvöld - financial management - fór að mestu leiti í umræður um þessa frétt:

http://mbl.is/mm/vidskipti/frett.html?nid=1292146

en isss... það er ekki neitt því frændi vinar bróðir afa hann lækkaði sína stýrivexti um 1%!

En svona í alvöru talað... þá er gaman að vita einu sinni um hvað málið snýst án þess að ég ætli að fara að uppljóstra um umfram visku mína um FED og þeirra störf...

Buhuhuhuhu!

2007-09-16T13:49:00.001-04:00

Í þessum skrifuðu orðum eru fuglarnir mínir - Dagga og Helga - að fljúga úr hreiðrinu..alla leið yfir Atlantshafið heim í kuldann á Íslandinu. Það er ekki annað hægt en að segja að það sé hálf tómlegt í kotinu núna....Ég sakna þeirra strax alveg hellings mikið.

Við náðum nú samt að gera ótrúlega mikið á þessari viku... borðum á allra þjóða veitingarstöðum... drukkum allra þjóða hvítvín... hlógum fyrir allan peninginn og sumir versluðu einnig fyrir allan peninginn... Segjum sem svo að Dagbjört hafi amk verið með tvöfalda vigt á við hana Helgu þó svo að Visa-reikningurinn hjá Helgu eigi síður en svo eftir að verða lægri... Say no more... vona bara að tollurinn verði besti vinur þeirra ;)

Takk fyrir frábæra viku elsku dúllurnar mínar.. og veriði velkomnar sem fyrst aftur ;)

En nú tekur alvaran við.. ástæðan fyrir því að ég er svona heppin að fá svona rosalega marga góða vini mína í heimsókn er sú að ég er Í SKÓLA í Boston... og því fylgir að maður þarf amk af og til að kíkja í námsbækurnar... er þaggi? Það er amk hellings lestur framundan...þannig að nú er um að gera að hvíla hvítvínið og hella í sig.. nei ég meina hella sér í námsbækurnar :)

Amk þangað til að næstu gestir koma í hús :)
Guðrún eftir rúmlega tvær vikur.... Gerða og Arna Rán í endann á október og svo Nína og family yfir Thanksgiving... Jeiiii hrikalega gaman.

Hafið það gott... ég ætla að fara að lesa þessar 700 bls sem bíða mín...

Afasystir!

2007-09-13T11:30:00.000-04:00

Ég er orðin afasystir! Það er ekkert smá magnað að vera afasystir 27 ára gömul :) Hljómar frekar eins og ég sé 67 :) En ég er samt sem áður rosalega stollt af því að vera afasystir, því Gunnar Þór og Anna eignuðust litla prinsinn sinn þann 12. sept sl.

Annars er það að frétta af okkur Boston skvísunum að við erum búnar að labba um alla borgina.. og ég held að það sé búið að versla fyrir allan peninginn! Það er amk komin ný ferðataska í hús sem keypt var í Marshalls í gær :)

Í dag er rjómablíða og því ætlum við að reyna að skella okkur í Duck Tours og rölta síðan í Boston Common og niðrí bæ. Erum á leiðinni út núna...þannig að ég bið að heilsa í bili..

*slef* *slef* ...... svo er það Houston´s í kvöld :)

Boston Calling :)

2007-09-08T21:22:00.001-04:00

Hæææææææææææææææææææ!

Já, tíminn er ekkert smá fljótur að líða og þessir tveir mánuðir á Íslandi hreinlega flugu áfram. Svo hratt að núna er ég aftur komin til Boston...

Ég fékk hálfgert sjokk þegar ég labbaði út úr flugstöðinni... en við tók u.þ.b 35°c hiti og glampandi sól... bara hálfkósý að vera komin aftur.. úr rigningarsuddanum á Íslandinu.

Það var líka bara ágætt að koma aftur í sætu íbúðina mína og tók hún vel á móti mér. Talaði við Nínu og hún sagði mér að Magga hefði átt í gær. Ég hringdi því strax í Gumma um leið og ég var búin að koma öllum farangrinum mínum upp. Lítill prins fæddur og öllum heilsast vel.

Ég fór beint í skólann um kvöldið og það var rosa gaman að hitta hópinn minn aftur. Eftir skóla fór ég heim til Möggu og Gumma og gisti hjá þeim með Hrafnkeli stóra bróður meðan mamma og pabbi voru upp á spítala hjá litla bróður. Ekkert smá mikið að gerast á rúmlega einum sólarhring... Litli bróðir kom í heiminn 4. sept og Hrafnkell varð 2ja ára 5. sept :)

Við Hrafnkell vöknuðum hress og kát á fimmtudagsmorguninn, Lára klára eldaði hafragraut og svo lékum við okkur saman til að verða ellefu þegar Gummi kom heim að sækja Hrafnkel.

Stórfjölskyldan kom svo heim seinni partinn og á meðan Gummi skrapp í skólann var ég með Möggu heima að hjálpa til með prinsana. Vá hvað það er ólýsanleg og notaleg tilfinning að halda á tveggja DAGA gömlu barni.. Ótrúlega sætur hann Daníel Sölvi.

Á föstudaginn fór ég í lunch með þremur strákum úr skólanum... í tilefni þess að einn af þeim er útskrifaður og er að fara að flytja aftur heim til sín. Ótrúlega skrýtið að hugsa til þess að maður eigi jafnvel aldrei eftir að hitta hann aftur. En við stungum bara upp á að hafa reunion eftir 5 ár einhversstaðar í heiminum... það væri nú bara ekkert vitlaust :)

Mamma Möggu kom með kvöldvélinni þannig að mér var boðið í síðbúið kökuafmæli hjá Hrafnkeli... Rosalega flott Elmo kaka fyrir um 20 manns.. sem var nú ætluð leikskólakrökkunum... en einhvern veginn hliðraðist allt skipulagið þar sem litli bróðir kom í heiminn. Hrafnkell var amk rosalega ánægður með mr. potato head sem ég gaf honum :*)

Síðan þá hef ég nú bara verið að ganga frá fötunum mínum, þvo nokkrar vélar, ryksuga og taka til. Skrapp síðan í búðina og keypti drykkjarföng.. ekki veitir af í þessum geðsjúka hita :)

Fékk hins vegar skýr fyrirmæli frá henni Dagbjörtu að ég mætti ekki versla of mikið þar sem hún ætlaði sko að fá að fara í búðina til að versla... hún og hennar stórmarkaða- og dröggaæði :)

Dagga og Helga lenda hér á hádegi á morgun og hlakka ég ekkert smá til að fara og sækja þær og hafa þær hérna hjá mér í heila viku :*) Við ætlum svo sannarlega að bralla heilmikið og ég skal lofa að vera dugleg að skrifa um öll okkar helstu afrek ...

Sakna ykkar allra....

pís át ... Lára G.

JeDúddaMía!

2007-08-01T19:52:00.000-04:00

Eins og hefur berlega komið í ljós þá þjáist ég af stórkostlegri bloggleti og held ég haldi mig við þá bloggleti á meðan ég verð á Íslandinu góða.

Það voru nú langflestir sem trúðu því ekki að ég hafi tekið myndina af George Clooney hérna fyrir neðan, en believe it or not þá tók ég hana þegar við Nína stóðum uþb 5 cm fyrir framan hann stjörnudáleiddar við Hollywood Blvd.

Íslenskt sumar hefur verið frábært í alla staði og einkennst af stórgóðri skemmtun, fellihýsaútilegum og tjaldútilegum ásamt því að hitta alla yndislegu vini mína.

En núna ætla ég að skella mér til Eyja þar sem ég ætla að dansa frá mér allt vit.

Hafið það gott um verslunarmannahelgina..

LáRa

Við erum á lífi!

2007-06-09T03:28:00.000-04:00

Hæ...Já við vorum að tékka okkur inn í San Francisco.. síðasta áfangastaðinn í ferðinni. Við höfum það hrikalega gott og ætlum við að njóta síðustu daganna hrikalega vel hér í Frisco.

Hins vegar ætla eg bara að blogga þegar ég er komin heim til Boston..því að við Nína erum svo hrikalega uppteknar að leika við hann George Clooney ásamt öllu hinu fræga liðinu sem við hittum í Hollywood :)

ATH! Ég tók þessa mynd meðan hann gaf Nínu eiginhandaráritun...

Dagur 9: Miðvikudagur 30. maí 2007

2007-05-31T22:25:00.002-04:00

Vöknuðum kl 8.15, planið var að hittast við bílinn kl 8.45 en við vorum aðeins og sein þannig að við vorum lögð í hann rúmlega 9.30, enda langur keyrsludagur framundan.

Vð Nína fengum okkur þrusugóða beyglu á Einstein’s Bros Bagel.. á meðan þau hin fengu sér all american á Waffle House. Við keyrðum gengum gamla bæinn í Albuquerque og skoðum gamla fallega kirkju og keyrðum svo út úr bænum á Historic Route 66 beint áfram til Gallup, New Mexico.

Skelltum einni skoðanakönnun á liðið og fengum okkur snæðing og héldum síðan áfram norður upp New Mexico og skoðuðum Four Corners Monument. Þar getur maður staðið samtímis á fjórum fylkjum í einu; New Mexico, Utah, Colorado og Arizona. Við eyddum dágóðum tíma þar og tókum nokkrar sprellimyndir. Ég keypti mér gasalega fínan hring og hálsmen úr alvöru Navajo turquois steini.

Þá héldum við áfram til Moab Utah, þar sem við ætlum að gista næstu tvær nætur. Heimir, bekkjarbróðir minn úr Vogaskóla var svo sniðugur á að benda okkur á þann bæ þar sem við gætum farið í geggjaða fjórhjólaferð. Þakka ég honum kærlega fyrir það.

Moab er pínkulítill bær í Utah þar sem búa um 7000 manns. Við fengum ánægistilfinningu við að keyra inn í bæinn, hann var eitthvað svo krúttlegur og sætur og umvafinn einu fallegasta landslagi sem ég hef séð. Við rúntuðum einn hring um bæinn og tékkuðum okkur svo inn ( vorum í þetta skiptið öll saman í einu herbergi með 3 queen rúmum ). Fórum svo og fengum okkur pizzuhlaðborð á stað sem seldi svona eldbakaðar pizzur.

Við vorum öll frekar þreytt á því og tilhugsunin við að þurfa að vakna 7 morguninn eftir og fara í fjórhjólaferðina ýtti okkur snemma í bælið.

Dagur 8: Þriðjudagur 29. maí 2007

2007-05-31T22:25:00.001-04:00

Vöknuðum missnemma og öll tiltölulega hress miðað við mikla spilamennsku nóttina áður. Ólöf og Ásdís rétt náðu í morgunmat, við Nína fórum báðar í sturtu og misstum þess vegna af morgunmatnum en Doddi og Gummi sváfu lengur.

Eftir ræs og eftir að allt var komið í bílinn þá héldum við af stað í kúrekabúðina. Við eyddum dágóðum klukkutíma í búðinni og keyptum okkur öll hatta nema Ásdís og Ólöf. Howdy Cowboy! Ógeðslega töff og túristaleg fundum við mexíkanskan matsölustað og borðuðum lúffengar tortilla kökur, nachos, fajitas og sallat í körfu.

Við lögðum síðan af stað í leit af ævintýrum. Ákváðum að beygja út af I-40 og fara á I-27 þar sem við fundum sannkallað ævintýraland. Byrjuðum á því að fara í Go Kart. Ógeðslega gaman. Því næst slógu strákarnir nokkra baseball bolta og síðan fórum við öll í 18-holu minigolf. Það var alveg rúmlega 30°C og glampandi sól þannig að við vorum að deyja úr hita. Í endann prófuðum við stelpurnar svo að slá nokkra softball bolta... hrikalega gaman.. á meðan strákarnir reyndu við baseballið. Kláruðum daginn í nokkrum spilakössum og lögðum svo af stað til Albuquerque, New Mexico um sexleytið.

Við stoppuðum á leiðinni í Dairy Queen sem Nína er búin að þrá alla ferðina. Fundum aðra Coupon bók og fundum ódýrt herbergi á Econo Logde í Albuquerque. Tékkuðum okkur inn og skutumst á Pizza Hut / Taco Bell og vorum svo sofnuð fyrir eitt.

Búin að bæta Arkansas og New Mexico í safnið.

Dagur 7: Mánudagur 28. maí 2007

2007-05-31T22:22:00.000-04:00

Vöknuðum um níu, fengum okkur morgunmat á hótelinu og vorum komin af stað kl 10.30.

Í fyrsta skipti í ferðinni fengum við í dag rigningu. Veit ekki hvort það sé rigningin sem spilaði eitthvað inn í en einhvern veginn fann ekkert okkar eitthvað heillandi við Oklahoma City. Ákváðum að keyra upp að minnisvarðanum þar sem byggingin var sprengd í apríl 1995 og 168 manns létu lífið.

Frá götunni var minnisvarðinn því miður ekki mikið fyrir augað, með fullri virðingu fyrir þeim sem létu lífið í árásinni. Hins vegar þegar komið var fyrir innan var mjög fallegt um að lítast, búið var að búa til minnisvarða sem var í raun 168 stólar á grasbletti, einn fyrir hvern sem lést þennan dag. En þar sem það var grenjandi rigning þá stoppuðum við ekki lengi þarna. Þá þurftum við að ákveða hvort við ætluðum bara að keyra strax frá Oklahoma City eða finna okkur eitthvað að gera þar.

Við enduðum með að fara á National Cowboy & Western Heritage Museum þar sem við skoðuðum kúreka, kúrekastígvél, kúrekahatta, kúrekaþorp og alls konar annað skemmtilegt. Okkur fannst okkur öllum reyndar safnið svolítið illa upp sett og doldið flókið að rata um það .. en við rötuðum á kaffiteríuna í endann sem er eflaust besta ákvörðun sem við höfum tekið hingað til. Fengum þennan líka æðislega hlaðborð, heimilislegan mömmumat. Jummí

Klukkan var orðin um þrjú þegar við lögðum af stað frá Oklahoma. Við keyrðum beint til Amarillo sem tók um 4 klst. Á einni bensínstöðinni fundum við Hótel Coupon bók þar sem voru couponar á mörg hótel/mótel í Amarillo. Fundum eitt sem var rosa fínt, þ.e. hótelið sjálft og lobbýið var geggjað en gamla byggingin var notuð sem mótel þannig að við fengum herbergi þar fyrir $12 á mann nóttina. Kliiiink! Höfðum meira að segja aðgang að sundlauginni og morgunverðinum.

Við drifum í því að tékka okkur inn og skelltum okkur svo í tívolí. Klukkan var um hálfátta þegar við komum þangað. Það var opið til tíu og það voru mjög fáir í garðinum þannig að við hlupum um allan garðinn og prófuðum hvert einasta tæki. Skemmtum okkur konunglega í rússíbönum og öðrum tryllitækjum. Ásdís, Ólöf og Gummi fóru í svona vatnsrússíbanatæki þannig að þau voru rennandi blaut frá toppi til táar.

Um tíuleytið héldum við heim á hótel hress og kát og sársvöng. Stoppuðum á Outback Steakhouse og fengum góðan mat og frábæra þjónustu. Þjónustustúlkan benti okkur á kúrekabúð sem við gætum farið í til að versla kúrekahatta og síðan á ýmsa áhugaverða staði í kringum Amarillo.

Við fórum síðan upp á hótel og Ásdís og Ólöf komu sér í háttinn.. en við hin bjuggum okkur til pókerborð úr straubrettinu og spiluðum póker langt fram á nótt og drukkum ófáa bjórana.

Nú erum við sem sagt búin að bæta Oklahoma og Texas við í fylkjasafnið.

ATH ATH

2007-05-31T03:01:00.000-04:00

Þar sem ég kemst sjaldan í tölvu þá er ég dugleg að henda inn uppsöfnuðum bloggbunka þegar ég kem því að. Eins ætla ég að reyna að vera duglegri að henda inn myndunum á síðuna.

Það eru strax komnar núna fyrstu dagarnir á myndasíðuna: http://laragudrun.myphotoalbum.com .

EN ef ég á að blogga meira þá er algjör skylda að setja komment við hverja EINUSTU FÆRSLU og hana nú :)

Hlakka til að heyra frá ykkur og sakna ykkar allra....

Dagur 6: Sunnudagur 27. maí

2007-05-31T02:46:00.000-04:00

Vöknuðum um 10 leytið og misstum þar af leiðandi af morgunmatnum þannig að við tékkuðum bara út og hófum hina æsispennandi leit af almennilegum morgunmat. Við höfðum einhvern veginn ekki lyst á einhverju amerísku sulli þannig að við enduðum á að fara í einhvern súpermarkað í Memphis sem var nú kannski ekki alveg upp á marga fiska .... en fundum á endanum brauð, túnfisksallat, ost og skinku. Höfðum því smá PickNic í bílnum og heppnaðist það bara mjög vel :)

Södd og sæl keyrðum við alla leið til Oklahoma City eða um 7 tíma akstur.

Í einu pissu- og ísstoppinu í 30°C hitanum var ég svo mikill rosalegur lúði á leiðinni út úr bílnum að einhvern veginn datt myndavélin mín úr bílnum og niðrá jörðina. Filterinn á myndavélinni minni smallaðist í þúsundmola og umgjörðin á filternum beyglaðist smá þannig að hann var eiginlega fastur á linsunni. Við náðum að hreinsa öll glerbrotin varlega af linsunni þannig að bara umgjörðin sat pikkföst. Að öðru lagi virtist linsan og myndavélin vera í góðu lagi.

Við stoppuðum því eftir einhvern tíman í Home Depot og Best Buy.. þar sem við byrjuðum á því að kaupa töng til að losa filtersumgjörðina og fórum svo í Best Buy og keyptum svona loftbursta og klút og náðum að hreinsa þetta svona rosalega vel og fínt allt saman. Átti meira að segja auka filter þannig að það blessaðist allt saman á endanum. En mikið rosalega varð ég #"$#$&/ ekki glöð þegar þetta gerðist.

Við vorum komin til Oklahoma um 10 um kvöldið. Þar sem þessa helgi var Memorial Weekend (eða ég veit ekki hvort það var út af því eða hvort þetta er alltaf svona) en þá var ekki hræða á ferli. Við vorum sársvöng og allir veitingarstaðir sem við sáum í fljótu bragði voru lokaðir. Fundum á endanum ítalskan stað sem var mjög ljúffengum með eldbakaðar pizzur, pasta og fleira gúmmilaði.

Við gistum enn og aftur á Days Inn .. það var reyndar tölva í lobbýinu en hún var handsnúin þannig að það var nánast vonlaust að blogga þar... þannig að ég fór bara að sofa um tvö leytið.

Oklahoma kveðjur

Dagur 5: Laugardagur 26. maí

2007-05-31T02:06:00.000-04:00

Vöknuðum um níuleytið því palnið var að vera komin út að bílnum um 10 og leggja af stað um 10.30 yfir í Graceland. Ásdís og Doddi sváfu örlítið yfir sig og Nína vakti þau með banki kl 9.52. Við erum greinilega samt orðin rosalega sjóuð í því að gista eina nótt á stað og rumpa svo öllu draslinu aftur í bílinn á sinn stað á núll einni því við vorum lögð af stað fyrir 10.30. Allt á áætlun eins og allt hefur verið hingað til samkvæmt planinu góða :)

Keyrðum beint að Days Inn við Graceland og sáum að það var bara alveg hinum megin við götuna við Graceland. Við fórum því að hótelinu og athuguðum hvort við gætum tékkað fyrr en og eitt herbergi var til af þremur og því hentum við öllu draslinu inn í það og skunduðum svo yfir í Graceland. Þetta var mjög snyrtilegt hóteli og flott. Elvis myndir í herbergjunum og gítarsundlaug í garðinum.

Það kom okkur skemmtilega á óvart hvað það var lítið af fólki var á Graceland, þannig séð. Við keyptum okkur svona Platinum Tour sem innihélt túr um Graceland mansionið, aðgang að einkaflugvélunum hans Presley, bílasafninu, After Dark safninu og margt margt fleira.

Maður var einhvern veginn búinn að ákveða þetta allt öðru vísi en þetta var hreint alveg æðislegt. Við byrjuðum á því að skoða flugvélarnar hans. Önnur var massíft stór og heitir Lisa Marie og er hún hrikalega flott. Hún var búinn öllum þægindum og það er nokkuð ljóst að Elvis hefur ekkert vantað peninginn, því meira að segja sætisbeltin voru gullhúðuð með 24 karata gulli. Það var líka frekar súrrealískt að standa bara þarna við rúmstokkin á rúminu sem hann actually svaf í. Litla flugvélin var mjög flott líka og sætin þar voru frekar seventís, gul og græn og frekar funky.

Næst fengum við okkur hádegismat á amerískri hamborgarabúllu þar sem hægt var að fá eftirlætið hans Elvis, grillaða samlokuðu með hnetusnjöri og bönunum. En við ákváðum nú bara að halda okkur við hamborgarana.

Við héldum svo för okkar áfram og fórum upp að Graceland. Tók rosalega mikið af myndum og þær segja miklu meira en 1000 orð. Þetta er mjög flott hús og mikil upplifun að hafa komið þangað. Maður mátti nánast labba um allt húsið nema efri hæðina sem var privat svæði Elvis. Hann hleypti aldrei neinum þar upp og kom alltaf niður fullklæddur og prúðbúinn til í tuskið. Þetta er ótrúlegt hús to say the least. Það var líka rosalega gaman að skoða marga af þeim búningum sem hann hefur verið í í gegnum tíðina. Í endann á túrnum sáum við síðan grafir Elvis Presley, tvíburabróður hans, foreldra hans og ömmu.

Eftir skoðunarferð um mansionið fórum við að skoða bílasafnið hans Elvis. Massífir bílar! Sjá myndasíðuna. Síðan kíktum við á After Dark safnið og sögðum það síðan gott og kvöddum Graceland með brosi á vör.

Þá var loksins komið að fyrsta chillinu í ferðinni, sem við vorum búin að hlakka til mjög lengi. Þá er ég að sjálfsögðu að tala um gítarsundlaugina í garðinu á hótelinu. Lágum í sólbaði, lékum okkur í sundlauginni, fórum í kollhnísarkeppni og bombukeppni og drukkum fullt fullt af bjór. Ótrúlega gaman.

Um sexleytið komum við okkur upp úr lauginni og fórum í sturtu og í partýgallann, opnuðum bjór og blushflösku og höfðum það notalegt. Pöntuðum síðan stóran leigubíl og fórum á Texas de Brazil. Krakkarnir allir nema við Nína voru að að koma þangað í fyrsta skipti og voru hrikalega ánægð með staðinn, enda klikkaði maturinn svo sannarlega ekki. Við borðuðum nánast öll yfir okkur, humarsúpan og nautafileið stóð samt upp úr.

Þá var förinni heitið í næstu götu - Beale Street - . Þangað koma u.þ.b. fimm milljónir ferðamanna árlega og er ég hreinlega viss um að þeir hafi allir verið þarna nákvæmlega þetta kvöld. Því gatan var gjörsamlega pööööökkkkkuð! Henni svipar dálítið til Bourbon Street í New Orleans, þvílík geðveiki. Við röltum fram og til baka, Nína stökk inn og keypti inn Hurricane á Pats O´brian og síðan röltum við aðeins meir. Það var varla þverfóta fyrir fólki og allsstaðar hljómaði tónlistin. Við enduðum með að fara inn á einn bar þar sem við gátum setið úti og þar var live tónlist og alles. Sátum þar og höfðum það kósí og drukkum nokkra drykki. Gaman er að segja frá því að einn úr hljómsveitinni túraði einu sinni með Tinu Turner og svo kom dóttir Al Green og söng nokkur lög. Það fyndnasta var samt að við hliðina á staðnum var lítill turn og þegar við vorum búin að sitja dágóða stund sáum við allt í einu að það var geit, já lifandi geit, upp í turninum... Mega fyndið.. hún var amk í góðum fíling.

Fórum síðan upp á hótel og sváfum værum Elvis blundi.

Dagur 4: Föstudagur 25. maí

2007-05-31T01:51:00.000-04:00

Okkur fannst öllum hrikalega erfitt að vakna og hefðum öll viljað sofa miklu lengur but the show must go on! Setti inn fyrstu umferð af myndunum inn á flakkarann minn en það er bara svo obbbboðslega erfitt að vera ekki með tölvu því í þær fáu mínútur sem við erum inn á herbergi áður en við förum að sofa þá eru báðar tölvurnar tvær sem eru í umferð báðar uppteknar. En þið verðið bara að fyrirgefa mér það og vera bara dugleg að kommenta hjá mér þegar ég loksins kemst í það að blogga.

Við lögðum af stað áleiðis til Memphis kl 10.30 og stoppuðum á leiðinni í Nashville. Lentum þar kl 13.00 og borðuðum hádegismat. Doddi hringdi í vin sinn sem er frá Nashville og fékk svona helstu upplýsingar um hvað við ættum að minnsta kosti að skoða. Við fórum því á eina aðal götuna, Broadway, keyrðum einn hring og lögðum svo bílnum og fengum okkur hádegismat. Sátum uppi á svölum og nutum veðurblíðunnar enda yfir 30°C hiti. Við ákváðum svo að skella okkur á Country Music Hall of Fame. Eyddum þar tveimur tímum í að skoða allskonar skemmtilega kántrísprelligosa.

Keyrðum síðan áfram og skoðuðum The Parthenon, sem er endurmynd í fullri stærð af gríska hofinu sem er í Aþenu. Þar fyrir framan var risastór grasblettur og lékum við okkur í frisbí og boltaleikjum í steeiiiikjandi hita. Lögðum af stað vel sveitt og sexy til Memphis um 5.30.

Við vorum búin að bóka fyrirfram næstu tvær nætur í Memphis, eina nótt á hóteli rétt fyrir utan Memphis og eina á Days Inn alveg við Graceland. Fyrra hótelið var mjög snyrtilegt að utan en var dálítið sjabbí að innan en við erum orðin svo sjóuð í þessum málum að við létum það ekkert á okkur fá. Það var svona eins og það væri samansafn af húsgögnum á hótelinu því ekkert herbergi var eins. Doldið fyndið.

Við fórum í bíltúr til að finna okkur eitthvað að borða og enduðum á KFC. Afgreiðslukonan var nú ekki alveg sú skýrasta í bransanum og þetta var líka frekar sjabbí staður en við skemmtum okkur hins vegar alveg konunglega og sumir átu meira yfir sig en aðrir.

Enduðum svo á bensínstöðinni á leiðinni heim og keyptum kassa af Corona bjór og skelltum því í okkur yfir góðu Póker spili um kvöldið. Ég eyddi hins vegar um það bil tveimur tímum að koma blogginu hér á undan ásamt Niagara Falls blogginu inn á netið. En vonandi koma reglulega færslur inn núna héðan í frá ef ég næ að stela af og til tölvunni af Gumma og Ólöfu.

Kveðja frá Tennessee.

Myndir

2007-05-26T01:46:00.000-04:00

Sökum tímaleysis og hæglegum myndafítus á blogger.com hef ég ákveðið að setja inn nokkrar myndir as we go along á myndasíðuna mína http://laragudrun.myphotoalbum.com og sleppa því alveg að setja inn myndir á þessa síðu :)

Ætti að vera komið inn á morgun - LGG

Dagur 3: Fimmtudagur 24. maí

2007-05-26T01:07:00.003-04:00

Vakning 9am, sturta og fínerí. Morgunmatur í seven eleven. Front Royal var miklu fallegri í sólinni. Hins vegar komumst við að því að bara fimm mínútum áður en við löbbuðum inn í 7/11 var framið bankarán í bankanum við hliðina á. Sérkennilegt í þessum litla saklausa fallega bæ. Við létum það hins vegar ekkert á okkur fá... og keyrðum bara í rólegheitum í burtu með ránsfenginn... haha ekki alveg :)

Framundan var held ég stærsti keyrsludagurinn í ferðinni. Keyrðum alla leið frá Front Royal, VA til Knoxville, TN. ( Hátt í 700 km) Vorum mest allan tímann að keyra í Virginiu með rosalega fallegt útsýni enda hef ég held ég aldrei séð svona mikinn gróður. Leið á köflum eins og við værum að keyra í Þýskalandi. Stoppuðum í tveimur smábæum, fengum okkur subway, spiluðum frisbí og fleira hressandi. Hápunktur dagsins var eiginlega þegar Days Inn bókin týndist en fannst aftur í ruslinu dálítlu síðar við mikinn fögnuð roadtrip-manna. Keyrðum um Knoxville þar sem var mikið líf og fjör og fengum okkar að borða á veitingarstað í miðbænum. Gistum síðan á Days Inn um 25 mílur fyrir utan Knoxville í átt okkar að Nashville
.
Spiluðum póker fram eftir en vorum nánast örmagna af þreytu eftir keyrsludaginn þannig að við gáfumst upp og skriðum í bólið upp úr tvö. Við erum amk búin að læra það að við þurfum að vera aðeins fyrr komin á mótelin til að geta slappað af og haft það gott.

Svo er það bara Nashville og Memphis framundan. Adíós ;)

Dagur 2: Miðvikudagur 23. maí

2007-05-26T01:07:00.001-04:00

Vöknuðum snemma, ræs ræs kl 8am. Fengum okkur bara alveg dýrindismorgunmat á mótelinu, beyglu með smurosti, banana og epladjús. Lögðum svo í hann um 9.30 og vorum komin til Washington, D.C. rétt um 11 leytið.
Washington er hrikalega falleg borg og allt of mikið hægt að skoða til að fitta því inn á einn dag en við vorum öll sammála um það að við værum hæst ánægð með daginn enda brjálað gott veður og yndisleg borg.
Við komum á Union Station í miðbæ Washington og lögðum bílnum. Þetta var ekkert smá flott lestarstöð með yfir 100 veitingarstöðum, 9 bíósölum, fullt fullt af búðum og margt fleira.
Beint fyrir utan lestarstöðina var minnisvarði af Christofer Columbus og þar við ákváðum við að fara í sight-seeing í Old-Trolley Tour sem ferðast um alla helstu staðina í Washington og maður má hoppa inn og út eftir hentugleika á ákveðnum stoppistöðum. Ásdís og Doddi héldu áfram í bílnum á meðan við hin fórum út við U.S. Captiol. Þar hefur U.S. Congress fundað frá 1800. Obboðslega falleg bygging og líka byggingarnar í kring, Supreme Court og The Library og Congress. Supreme Court var sérstaklega falleg bygging enda stærsta hús í heimi sem er byggt úr marmara.
Tókum síðan trolleyið að Thomas Jefferson minnisvarðanum. Rosalega fallegur og stendur við frekar stórt vatn. Þarna var hungrið farið að segja til sín og enn ekki veitingarstaður í nánd. Keyptum okkur því bara vatn og hoppuðum aftur upp í trolleyið.
Þá var stoppað við Lincoln memorial. Það var ótrúleg upplifun að standa þar og horfa yfir vatnið að Washington Memorial, eða stóru stönginni eins og við köllum það. Tókum hellings myndir og skoðuðum okkur vel um þar ásamt því að skoða Vietnan Veterans Memorial og WW II memorial.
Þegar hingað var komið vorum við gjörsamlega dáin úr þorsta (bjórþorsta) og hungri. Við röltum því og röltum en fundum engan veitingarstað þannig að við ákváðum að taka taxa í áttina að Hard Rock. Það var hins vegar svo hrikalega stór hópur á leiðinni þar inn að við römbuðum inn á ótrúlega kósí og skemmtilegan pöbb. Fengum rosa góðan mat og könnur af bjór og ekki skemmdi fyrir, sérstaklega fyrir Gumma og Nínu, að það var við að sýna úrslitaleikinn í meistaradeildinni Milan – Liverpool þar sem Milan vann.
Við röltum yfir að Hvíta Húsinu. Það var greinilega eitthvað mikið að gerast því það voru herþyrlur sveimandi um og menn upp á þaki með massa byssur og horfðu allt í kringum sig gengum kíki. Húsið var obboðslega fallegt en þó fannst mér US Capitol byggingin miklu fallegri. Reyndar er skemmtilegt frá því að segja að við héldum öll á leiðinni inní Washington að sú bygging væri Hvíta Húsið ... Svona erum við vitlaus ;)

Upp úr 6.30 röltum við svo aftur upp að Union Station lestarstöðinni þar sem við hittum aftur Ásdísi og Dodda. Við komum við í bjórbúðinni þannig að núna eigum við bjórkassa í bílnum sem við tökum alltaf með okkur upp á hótel og geymum í ísskápnum. Höfum nú samt hingað til ekki verið mjög dugleg að drekka hann. Efast samt að hann fari á endanum til spillis.

Við keyrðum áfram gegnum Arlington National Cemetary og stoppuðum við Iwo Jima minnisvarðann. Þetta er “flags of our father” styttan góða. Fallegt útsýni þaðan yfir borgina.
Keyrðum einnig fram hjá Pentagon á leið okkar frá Washington eftir frábæran dag. (8pm)

Núna er því búið að bæta D.C. og Virginu í fylkjasafnið.

Við vorum hins vegar ekki búin að panta mótel né hringja áður og núna var klukkan orðin dálítið margt þannig að við beygðum út af einum exit þegar klukkan var um 9.30 og enduðum í bænum Front Royal þar sem búa um 15000 manns. Fundum glæsilegan Pizza Hut stað þar sem við vorum einu gestirnir á svæðinu og aðeins 30 min í lokun. Vorum mjög vinsæl að panta tvær stórar pizzur og brauðstangir svona rétt fyrir lokun. Skemmtum okkur konunglega og hlógum mikið. Þá hófst leitin mikla af gististað fyrir nóttina. Hringdum á heilan helling af hótelum en enduðum á einu sem hét Cool Harbor Motel sem var ægilega fínt og snyrtilegt. Fengum tvö herbergi sem var hægt að opna á milli – agalega hentugt.
Lágum og kjöftuðum í afslappelsi og fórum svo í háttinn.

Dagur 1: Þriðjudagur 22. maí

2007-05-26T01:06:00.001-04:00

Þá er loksins komið að því - Roadtrip USA 2007 skollið á.
Við sóttum bílinn út á flugvöll daginn áður og erum við rosalega ánægð með bílinn. Toyota Sienna árgerð 2007 og nánast ókeyrður, rúmgóður og fallegur.

22. maí rann upp og vöknuðum við eldsnemma eftir áhyggjumikið panik pökkunarkast hjá mér .. hahah neinei ekkert alvarlegt en ég held nú samt að ég sé með allt of mikið með mér.. en ég væri nú ekki ég, ef ég hefði ekki haft örlitlar áhyggjur af þessum pökkunarmálum.
Ásdís og Doddi sóttu okkur um 8.30am og vorum við officially lögð í’ann um níu leytið. Ótrúlega sérstök tilfinning að vera allt í einu bara lögð af stað. Já, lögð af stað frá Boston til New York að pikka upp Ólöfu og Gumma. Ferðin þangað gekk rosa vel, örlítil traffík inn í Brooklyn en annars gekk að smuðrulaust fyrir sig. Vorum lent hjá Ólöfu og Gumma um 12.30.
Fengum okkur að snæða á Dinernum á horninu, pöntuðum fjórhjólaferðina í Moab og lögðum svo af stað áleiðis til Philadelphiu, Pennsylvania. Við lentum þar um 5pm. Ég var búin að prenta út svona self-guided 3 mílnu göngutúr / the Constitutional Walking Tour of Philadelphia / um miðbæ Philadelphiu þannig að við vissum svona sirka hvar við áttum að leggja. Við röltum um í frábæru veðri, 27°C hita og glampandi sól. Philadelphia virkar mjög yndisleg og róleg borg og svipaði að nokkru leyti til Boston. Skoðuðum m.a. National Constitution Center, The Liberty Bell Center, Independnce Hall, Congress Hall, Old City Hall, fyrsta og annan bankann í USA, Washington Square Park og margt margt fleira.
Það var í Philadelphiu sem Ameríka var lýst sjálfstæð þann 4. júlí 1776. Í dag táknar Liberty bjallan frelsi Ameríku frá Bretlandi og allt þetta gerðist í Independence Hall sem er oft kölluð “the birthplace of America”. Ja hérna hér.
Borðuðum svo á ljúffengum sushi-stað í miðbæ Philadelphiu. Síðan sóttum við bílinn og keyrðum um borgina. Keyrðum áfram götu í átt að Philadelphia Museum of Art þar sem var flaggað fánum frá öllum “sjálfstæðum löndum” (gisk) amk skartaði íslenski fáninn sínu fegursta þarna og var hann að sjálfsögðu langflottastur.
Safnið var obbbboðslega fallegt og er þriðja stærsta listasafn í USA. Það er einnig frægt fyrir Rocky tröppurnar góðu úr samnefndri mynd. Tókum myndir af okkur með Rocky styttunni og hlupum að sjálfsögðu upp tröppurnar á núll einni ...

Hress og kát eftir gott stopp héldum við áfram för okkar áleiðis til Washington. Um níuleytið fórum við að hringjast fyrir og finna mótel til að gista á og fundum eitt ódýrt og gott Days Inn hótel í Edgewood um klukkutíma fyrir utan Washington. Mjög flott mótel og gistu Ásdís, Doddi, Ólöf og Gummi saman í einu herbergi og við Nína í hinu. Ekki skemmdi heldur fyrir að við borguðum aðeins $143 dollara fyrir bæði herbergin eða rétt um 1400 kr á mann.

Fórum í gegnum sex fylki þennan daginn:
Massaschusetts, Connecticut, New York, New Jersey, Pennsylvania og Maryland.

Niagara Falls

2007-05-24T10:18:00.000-04:00

Jæja, oft var þörf að blogga en nú er nauðsyn ef ég á líka að komast á áætlun í Roadtripsbloggi...

Mamma og pabbi voru svo yndisleg og sniðug að gefa mér í afmælisgjöf ferð upp til Niagara Falls og skelltum við Nína okkur fimmtudaginn 17 maí sl. Við leigðum ægilega fínan bíl frá Hertz og lögðum af stað í rúmt 460 mílna ferðalag - 7 og hálfur tímur hvor leið. Ferðalagið gekk ótrúlega vel upp eftir og eftir nokkur pissustopp og marga bílaleiki komum við til Niagara Falls, Ontario, Canada rétt fyrir kvöldmatarleytið.

Við vorum á þvílíkt flottu hóteli, Embassy Suites, Canada-megin með frábæru útsýni yfir fossana. Herbergið var líka það stórt að það var sér stofa fremst og síðan labbaði maður áfram í gegnum eldhúsið með baði til hliðar og þaðan inn í svefnherbergið þar sem þetta geggjaða útsýni blasti við. Ekki var verra að það var geggjaður nudd-heitapottur inn á baði.

Það var gluggi fram á gang og þar tók við massa stofa með borðstofuborði og alles

Útsýnið út um herbergisgluggann var heldur ekki af lakari endanum..

Við skelltum okkur beint á Tony Roma’s og fengum okkur ljúffeng og langþráð rif.

Röltum síðan um hverfið og smelltum af nokkrum myndum af fossunum. (nokkrum er understatement) Frá kl níu til miðnættis var fossinn upplýstur í öllum regnboganslitum. Við ákváðum síðan bara að fara snemma að sofa eftir langt ferðalag til að geta vaknað snemma daginn eftir.

Við pöntuðum okkur bátsferð um Niagara River, mjög skemmtilegur bátur sem var opinn og flatur undir þannig að hann virkaði eins og Jet Ski. Við áttum pantað kl 11.30 og áttum að vera mættar hálftíma fyrr. Við skelltum því í okkur ljúffengum (NOT! J) amerískum morgunmat á hótelinu og héldum galvaskar af stað. Að sjálfsögðu vorum við með elsku Dúddu í bílnum (fyrir þá sem ekki vita hvað Dúdda er, þá er það GPS tæki) og stimpluðum við inn áfangastað og var áætlaður aksturstími um 30 mín. Við héldum því að stað með fullt traust á dúdduna okkar. Eftir uþb 15 mín akstur var komið að hinni örlagaríku hægri beygju. Dúddan skynjaði ekki litla veginn sem við áttum actually að beygja á.. en í staðinn “sagði hún okkur” að beygja nokkrum fetum fyrr og þá byrjaði ballið. Við vorum víst bara komin í risastóra einstefnu götu with no turning back merkta CARS TO USA. Úps nú voru góð ráð dýr… ég ekki með I-20 mitt og við að verða of seinar í bátinn. Náði sem betur fer að fresta því um einn og hálfan tíma en tollurinn var samt ennþá fyrir framan okkur og eflaust um 300 bílar fastir í traffík .. Ég byrjaði á því að hlaupa út og spyrjast fyrir í bílnum fyrir aftan okkur en hann tjáði okkur að eina leiðin væri að fara í gegnum tollinn og landamærin og útskýra bara að dúddan hefði beilað á okkur og það hlyti að reddast.. Sömu sögu hafði einn trukkabílstjórinn að segja, við værum bara í tómum vandræðum en hann var mjög elskulegur og hjálpsamur. Ég hljóp að tollinum og mætti þar svakalegri grybbu þannig að ég hrökklaðist eiginlega bara til baka. Nú voru góð ráð dýr… Við sátum aðeins í traffikinni en svo ákvað Nína að reyna einu sinni enn að tala við tolla gellurnar og ein var svo elskuleg að leyfa okkur að taka U-beygju án þess að fara í gegnum landamærin. Jeiiii Við vorum sloppnar.

Við keyrðum þá áfram niður til Niagara on the Lakes. Þvílíkt fallegur staður með risa stórum og fallegum húsum. Á leiðinni keyrðum við fram hjá risa vínekrum og ákváðum því að stoppa þar. Inniskillin var nafnið á vínekrunni og keyptum við rosa gott hvítvín eftir vínsmökkun ..

Veðrið var ekkert smá fallegt og gott og vorum við mjög spenntar að fara í bátsferðina. Enda var hún geggjuð, rafting af gráðu 5 og öldurnar gusuðust alveg yfir okkur og vorum við rennandi blautar frá toppi til táar. Þetta var um klukkutíma ferð og skemmtum við okkur konunglega.

Ég mæli amk með að fólk komi til Niagara Falls og það verði Canada megin því þar sést miklu miklu betur á fossana. Síðan er nánast skylda að vera á hóteli með Fallsview. Ótrúlega gaman og þetta fer án efa á topp 10 af flottustu stöðum sem ég komið á.

Við skelltum okkur í Journey behind the Falls þar sem maður gat farið niður með fossinum og hann skvettist allur yfir okkur og síðan er hægt að fara bak við fossinn og kíkja út á hann á tveimur mismunandi stöðum. Mögnuð upplifun og þvílíkar drunur. Við tókum því “örfáar myndir” .. held að ég hafi endað í hátt í 1000 myndum.

Ótrúlega gaman að rölta síðan um svæðið og mikið að skoða. Við borðuðum á Hard Rock og röltum síðan upp á hotel, drukkum vínekruhvítvínið og horfðum á flugeldasýningu yfir fossunum. Eftir hana skelltum við okkur svo í Casinoið. Mega stórt casino og við erum strax farnar að kvíða því að fara til Vegas því $100 hurfu einn tveir og bingo áður en við nánast tókum eftir því… Úff maður verður að plana vel Vegas eyðsluna ;)

Daginn eftir keyrðum við um Niagara Falls svæðið og kíktum í Duty Free Store en keyptum reyndar ekki neitt. Síðan lögðum við í hann um 1pm og vorum komnar heim um 10pm .. því að við stoppum í 2 tíma í outleti sem við fundum á leiðinni. Frábær ferð og góð upphitun fyrir Roadtripið .....

Kv. Lára og Nína

Niagara Falls

2007-05-17T07:50:00.000-04:00

Jæja, þá byrjar generalprufan fyrir Roadtrippið...

Við Nína erum rétt í þessu að fara að leggja í hann í 7 tíma akstur upp til Niagara Falls. Við ætlum að gista Canada megin og erum í rosa fínu herbergi með útsýni yfir báða fossana.

Þetta verður ekkert smá gaman.. og ég lofa að taka milljón myndir eins og mér einni er lagið ;)

Hvur veit nema við hendumst til Toronto í leiðinni....

Komum aftur á laugardagskvöld.. þangað til þá - hafið það gott ....

Boston fréttir...

2007-05-13T19:39:00.000-04:00

Hæhæ, héðan er allt rosalega gott að frétta. Veðrið leikur við okkur og við erum búin að bralla alveg hellings mikið.

Loksins loksins létum við verða af því að skella okkur á Red Sox leik á Fenway Park.

Ætluðum með Ásdísi og Dodda í gær en ákváðum í staðinn að fara öll saman í dag. Sjáum svo sannarlega ekki eftir því. Fengum mögnuð sæti fyrir slikk og sólin gjörsamlega steikti okkur ;) Framan af leit ekki út fyrir að við fengjum að sjá mikið spennandi leik... staðan í byrjun 9. hrinu (síðasta hrinan) var 0 - 5 Baltimore í hag og ekki eitt home-run komið í leiknum. Nokkuð var um það að fólk stóð upp og yfirgaf völlinn en þau naga sig eflaust í handarbökin núna því lokaspretturinn var magnaður!

RedSox menn náðu svo sannarlega að snúa leiknum okkur í hag og í einni hrinu (inning) náðum þeir að breyta stöðunni úr núll-fimm í sex-fimm (sjá myndir að ofan) okkur í hag og uppskárum við því sigur í leiknum. Þvílík spenna og ég hlakka til að fara aftur á leik.

Einn skemmti sér aðeins of vel og stökk inn á völlinn en var handtekinn um leið af feitu löggunni en við skemmtum okkur hins vegar konunglega og læt ég hér fylgja nokkrar myndir af okkur úr sólinni á Fenway Park:

Eins og ég var búin að minnast á þá komu Henný og Kristján með Nínu út þann 3. maí síðastliðinn. Kristján átti afmæli 4. maí og hafði hann ekki hugmynd um að Henný ætlaði að bjóða honum út og hafði ekki grænan grun um allt plottið sem Henný og Nína voru búnar að vera að undirbúa síðan í febrúar. Enda tókst þetta frábærlega og voru þau í Boston fram á mánudagskvöld 7. maí. Við skemmtun okkur hrikalega vel og náðum að gera rosalega mikið á stuttum tíma. Það má segja að við höfum náð að fara yfir nánast alla helstu staðina í og umhverfis Boston og ekki skemmdi fyrir að við fengum alveg hrikalega gott veður allan tímann.

Henný og Kristján gistu fyrstu nóttina hérna heima og gistu síðan restina á Sheraton. Fyrsta kvöldið fór í kósíheit og afslappelsi ... tókum eitt gott Grey´s maraþon. Afmælisdagurinn rann síðan upp og var Kristján sendur í lúxus spa á Newbury street þar sem hann eyddi morgninum í nudd, andlitsbað og manicure. Á meðan röltum við skvísurnar um Newbury Street. Við fórum síðan upp í Prudential Tower og nutum útsýnisins frá veitingastaðnum Top of the Hub. Mæli hins vegar ekki með matnum þar..

...en útsýnið er magnað og því er sniðugast að fara bara þangað upp í einn drykk og borða annars staðar.

Við létum það hins vegar ekki á okkur fá og héldum áfram göngu okkar um borgina. Stoppuðum í Boston Common og löbbuðum síðan alla leið niður á Quincy Market. Fórum síðan um kvöldið í ljúffengan afmælismat á Houston´s.

Laugardeginum eyddu Henný og Kristján á Newbury Street og þar í kring. Við Nína skutluðumst í Ikea og fórum síðan í þrusu skemmtilegt útskriftarpartý til Ásdísar. Þar var fullt af fólki og gríðarleg stemmning. Enduðum svo kvöldið á að rölta á Lansdowne Street og fórum svo á klúbb sem heitir Tequila Rain og dönsuðum fram á rauða nótt... þ.e.a.s. til 2am og þá lokar allt hér í Boston ;)

Á sunnudaginn tókum við bíl og keyrðum út um allt bókstaflega. Náðum að afkasta alveg heilum helling .. svo mikið að eftir á leið okkur eins og tveir dagar hefðu liðið. Fórum síðan fínt út að borða um kvöldið á Abe & Louise á Boylston. Svo skemmtilega vildi til að Ásdís, Doddi og 2x foreldrar voru af hreinni tilviljun nánast á næsta borði. Komum svo við í Shaws á leiðinni heim og skemmtum okkur svo rosalega vel í stífri jarðaberja Mohito drykkju hérna heima.

Aðrar myndir hlutu ekki náð hjá ritskoðunarnefndinni ;)

Mánudagurinn rann upp með glampandi sól og um 30 stiga hita og því ákváðum við bara að rölta af stað og njóta dagsins úti í sólinni. Borðuðum fyrst á Cheesecake Factory og röltum svo í Boston Common og keyptum frisbí disk og spiluðum frisbí í tæpa 3 tíma.

Kristján og Henný yfirgáfu okkur svo á mánudagskvöldið .. eins og okkur Henný er einum lagið þá mátti glitta í ein, tvö tár á flugvellinum. Við söknum ykkar strax og hlökkum til að koma heim í sumar og fá almennilegt garðpartý í nýja húsinu :)

Jamm og jæja... ætli ég sé ekki búin að segja nóg í bili..

Erum búnar að eyða dögunum í garðinum, bæði í blaki og í frisbí, fara á ströndina með Ásdísi og Dodda, fara í Wrentham outlet og njóta þess að vera til. Fríða kemur í heimsókn í eina nótt á morgun á leið sinni frá Íslandi til Georgia og síðan ætlum við Nína að skella okkur upp til Canada og eyða tveimur dögum við Niagara Falls. Meira um það síðar... Hafið það ofsa gott.

Lára... og Nína :)

2007-05-10T22:07:00.000-04:00

Klukkan er núna 22:00 og það er 21°C úti! Við erum gjörsamlega að deyja úr hita! Báðir gluggarnir eru opnir.. við erum búnar að kaupa viftu sem við settum út í glugga til að vifta lofti inn OG kælingin er í gangi..

Ja hérna hér... Aðeins munur frá þremur gráðunum í Reykjavík.. fórum meira að segja á ströndina í gær. Ef ég verð ekki dáin úr hita á morgun þá má búast við almennilegri bloggfærslu fyrir helgi!

Steikjandi kveðjur, Lára og Nína

Jeiii!

2007-05-03T14:11:00.000-04:00

Jeiiiiiiiiiiiiiiiiiiiiiiiiii sinnum 1000!

Núna eru bara 3 tímar í að Nína lendir... ásamt fríðu föruneyti! því með henni í för eru engin önnur en Henný mín og Kristján. Þetta er búið að vera í spilunum lengi og búið að vera erfitt fyrir þær að halda þessu leyndu. Já leyndu, því Kristján á afmæli á morgun og Henný var svo yndisleg að bjóða honum út og það surprise. Henný og Kristján vinna á sama stað og því er undirbúningur fyrir þessa ferð búinn að vera mun meiri en ella. Það var svaka plott í gangi og fékk Kristján fundarboð fyrir um viku að hann og samstarfsmaður hans væru að fara á auglýsingardílsfund í Leifsstöð. Þeir lögðu af stað í dag óvitandi að Henný og Nína biðu hans í Leifstöð. Heyrði í þeim rétt áður en þau fóru upp í vél og heppnaðist þetta víst ekkert smá vel. Honum snarbrá og var þvílíkt lukkulegur með þetta allt saman. Ég fæ svo söguna beint í æð þegar ég sæki þau út á völl EFTIR ÞRJÁ KLUKKUTÍMA!

Jeiiiiiiiiiiiiiiii það verður svo gaman hjá okkur um helgina :)

Yfir og út...

LáRa happy GiRL ;)

OMG OMG OMG

2007-05-03T09:01:00.000-04:00

Ég trúi því eiginlega ekki að það sé komið að því að Nína sé að koma á eftir..... og það sé allt í einu bara kominn 3. maí! Fjúff... hvað tíminn líður hratt!

Og bara 19 dagar í Roadtrip.... hvað ætlarðu að gera í því HAH?

Apríl búinn !?!

2007-04-30T10:27:00.000-04:00

Vil byrja á því að þakka fyrir afmælisgjafirnar, afmæliskveðjurnar, símtölin, myspace-kveðjurnar og msn-kveðjurnar... Þið eruð öll æði!

Afmælisdagurinn rann upp með svona líka bongó blíðu.. 30 stiga hita og glampandi sól... svo svakalegri að við sátum í skugganum á Newbury St. í afmælismatnum.

Áttum skemmtilega stund saman en síðan var arkað á bókasafnið. Enda var lært þar til miðnættis alveg frá laugardegi til þriðjudags. Massa dugleg. Kláraði svo síðasta prófið mitt á miðvikudags-kvöldið og mikið er nú ljúft að vera komin í sumarfrí ;) sér í lagi þar sem það gekk svo glimrandi vel í prófunum... þannig að núna er ég opinberlega orðinn hálfur meistari... (*öfund *öfund á Ásdísi og Dodda sem verða meistarar í maí) Hins vegar er ég alveg á því að þetta líði bara allllllllt of hratt... trúi því ekki að eftir nánast jafnlangan tíma (ef ég tek mestan part sumars frá ) sé ég bara búin ... fjúff ég er að verða gömul.

Strákarnir, vinir mínir, með mér í bekk voru líka svo yndislegir að hóa saman get-together heima hjá einum sunnudaginn fyrir afmælið mitt, þar sem hann eldaði ljúffengar kjúklingasamlokur handa okkur öllum og svo fengum við okkur nokkra bjóra og horfðum á massífan Red Sox - Yankees leik. Ég lærði nánast allar reglunar og var orðin bara hrikalega klár. Ekki skemmdi fyrir að Red Sox gerði 4 home run í röð í fyrsta skipti í sögu Red Sox.. aha.. ;)

Núna get ég kannski reynt að kenna Nínu smá í hafnarbolta svona eins og hún reyndi að kenna mér amerískan fótbolta ;)

Nína kemur eftir 3 daga og er það með ólíkindum að það sé allt í einu bara komið að því... er einmitt dugleg að gera vorhreingerninguna hérna heima áður en hún rennur í hlað. Er viss um að hún komi með eitthvað skemmtilegt með sér frá Íslandi *blikk*

Annars er bara búið að vera alveg hellings nóg að gera og þess vegna hef ég ekki komist í það að blogga fyrr. Í staðinn verðið þið bara að lesa heilan helling í hvert skipti sem ég kem mér í það að blogga... en það er bara í góðu lagi ;)

Strax eftir prófið bauð prófessorinn okkur á barinn þar sem hann borgaði fyrsta round ásamt snarli og sátum við þar fram eftir. Ég fékk sjálfsögðu hópinn til að syngja saman eitt lag í karaokee og svo söng ég eitt lag ein... go ég ;) Hrikalega skemmtilegt kvöld.

Það var síðan ekkert sofið út hér á bæ... heldur ræs ræs því Gunnar (bróðir Ólafar) og Þóra voru í bænum og skrapp ég með þeim í Wrentham Outlet. Skemmtum okkur konunglega allan daginn og ég er ekki frá því að það hafi eitthvað verið verslað.. n.b. ég verslaði ekki neitt! Skutlaði þeim svo út á South Station þar sem þau ætluðu að skreppa í tvær nætur til Ólafar og Gumma.

Föstudagurinn fór í smá letidag... vinna upp sjónvarpstapið - Idol gives back og Grey´s Anatomy... jeii það verður tvöfaldur þáttur næst af Greys ;) Skellti mér svo í Taekwon-do og svo út að borða og í bíó með Ásdísi og Möggu.

Fórum svo öll (ég - díz - doddz) í Sparring tíma í hádeginu á laugardaginn og svo í review tíma fyrir prófið.. úff 3ja tíma púl æfing þar.

Tókum síðan massíft pókerkvöld hjá Ásdísi og Dodda á laugardagskvöldið ásamt Olgu og Garðari.. hægt að segja að um langþráð pókerkvöld hafi verið að ræða.. amk hjá nokkrum okkar. Fengum okkur indian quality og spiluðum til hálftvö.. og loooksins looooksins vann ég :)

Tókum síðan Taekwon-do prófið í gær og okkur gekk öllum bara glimrandi... við Ásdís fyrir græna rönd og Doddi fyrir bláa rönd....

Jamm þið segið það... Er þetta ekki bara komið gott í bili ;)

Ætla að fara að halda áfram að taka til... bið að heilsa ykkur öllum.

LáRa

p.s. var rétt í þessu að fá email:

Congratulations!
You have passed the April Promotion test. The rank ceremony is scheduled for this evening (Monday). Please be here by 7:20pm in uniform. Jeiii.. komin með græna rönd ;)

Boston - fréttir

2007-04-20T21:41:00.000-04:00

Hvað segiði ...

Ætti maður ekki að nota tækifærið og blogga áður en maður verður árinu eldri... Já, fyrir ykkur sem ekki vitið, þá á skvísan afmæli á mánudaginn.... Blóm og kransar afþakkaðir en harðir sem mjúkir pakkar vel þegnir hahahahaha.

Hér hefur verið alveg hellings nóg að gera og er það kannski ástæða þessa bloggleysis..ætli maður skrifi ekki mest þegar maður hefur sem minnst að gera...pæling!

Ég byrja bara á Pulsupartýinu sem ég hélt fyrir Íslendingana mína 14.apríl sl. Ég kom út með pulsur (já ég segi pulsur) og pulsubrauð, steiktan lauk og pulsusinnep þannig að úr varð heljarinnar pulsuveisla. Eftir átið röltum við yfir til Möggu og Gumma, Hrafnkell fór í háttinn en við tók svaðalegt spilerí. Spiluðum Clue, Actionary og Trivial og má segja að stelpurnar hafi hlotið yfirburðaverðlaunin þetta kvöldið.

Brynja og Hinrik mættu svo líka til Boston um daginn og skrapp ég með þeim (+ Dís og Dodd) á Houston´s.. (hvað annað) og síðan á billiard klúbb þar sem við áttum góða kvöldstund.

Elsa, Oddur og Oddur Bjarki komu uppeftir til Boston aftur, eftir rúmar tvær vikur í Missisippi. Örlítið hafði bæst í töskurnar ;) og því var um að gera að skreppa aðeins í mallið og fylla vel í öll utanáliggjandi hólf sem og í extra töskuna sem hafði “óvart” bæst í hópinn. Við byrjuðum hins vegar á því að fara beint í stóru Wholefoods og keyptum okkur dýrindis steik og meðlæti. Það var vel þegið að fá loksins ljúffengan “Elsumat”. Þau skelltu sér síðan á Blue Man Group þar sem þau skemmtu sér konunglega.

Á meðan kláraði ég verkefnið sem átti að skila daginn eftir.

Það hefur verið nóg að gera í skólamálum enda ekki nema um 6 dagar þangað til að ég klára skólann.. fjúff komin með aðra höndina á meistarabikarinn.
Er í þessum skrifuðu orðum að leggja lokahönd á “take-home exam” sem ég á að skila eftir helgi og við tekur svo massífur próflestur fyrir lokaprófið á miðvikudaginn.
Það má einnig segja að prófveðrið sé komið... loksins eru hitatölurnar orðnar mannsæmandi og gula kvikindið orðið daglegt brauð. Sögur herma að það verði hátt í 25 stiga hiti og fínerí á sjálfan afmælisdaginn. Ekki amalegt það ;)

Síðan eru ekki nema um 13 dagar í Nínu og þá má segja að sumrið hefjist fyrir alvöru. Roadtrip skipulagningamál eru í fullum gangi og nú þegar er búið að borga bílinn og panta hótelið í Las Vegas + flugið heim frá San Francisco... Isss það verður svo gaman ;) Að sjálfsögðu verðum við með síðu þar sem við munum vera dugleg að uppdeita ykkur hvað á daga okkar mun drífa.

Vil síðan nota tækifærið og þakka honum Dodda mínum fyrir frábæra tónleika síðastliðið miðvikudagskvöld. Skemmti mér hrikalega vel í góðum félagsskap góðra vina. Ólöf mætti á svæðið frá New York og Ragga og Þorvaldur frá Íslandi. Einnig mættu Magga og Gummi, Olga og Garðar, Jóel og Abdullah og margir margir fleiri... Íslenska Mafían eins og Doddi orðaði það.

Annars vorum við Ásdís að koma úr Taekwondo sem er kannski ekki frásögum færandi nema fyrir þær sakir að við erum að fara að taka próf næstu helgi. Þá verður reynt við græna rönd og því fylgir að maður verður að sparra... Ef ég tek af heimasíðunni þeirra þá felst Light sparring í eftirfarandi:
"These sessions are quite light, designed to increase the student’s endurance and speed without involving hard physical contact. Everyone is well padded with protective equipment, and no contact to the face is allowed."
Við sem sagt erum komnar með svaka græjur, hlífar á rist, ökkla, sköflung, hné, olnboga, úlnlið ásamt brynju og stórkostlega funky “hjálm”...
Já og það er ekki allt.. heldur vildi Mr. Kim ólmur kenna okkur basic tæknina í Sparring. Þá vildi ekki betur til en það var barna-tími í gangi, krakkar á aldrinum 4 til 10 ára og bað hann okkur Ásdísi að vera með í þeim tíma.. Það var ótrúlega skemmtileg og furðuleg upplifun en hrikalega gaman... Við Ásdís... (eða amk Ásdís) helmingi stærri en allir en samt voru þau langflest með hærra belti en við ;) But we kicked assssssssss... ekki barnanna en þið vitið heheh.

Smá "sahngdahn mahki" í restina..

..... iiiiiiii.... þessi er bara með hvítt belti :)

Boston-skvísan biður að heilsa í bili...
Gleðilegt sumar

hRæÐiLeGt !

2007-04-18T12:31:00.000-04:00

Kvarr eillað gerast skilurru?

2007-04-10T00:18:00.000-04:00

Er þetta bara ég ... eða líður tíminn bara fáranlega hratt?

23 dagar í Nínu.. voru 3 mánuðir í gær... í alvöru..
42 dagar í Roadtrip... OMG spennó
15 dagar í að ég sé hálfnuð með mastersnámið .. scary
.. sem gerir það að það séu bara innan við 15 dagar í lokaprófin...meira scary
8 MÁNUÐIR síðan ég flutti til USA
... og ég er ennþá að fatta að ég búi í Boston... súrrealískt..
13 dagar þangað til að ég á afmæli.. Jeiii Gjafir "þakkaðar"...

Best að halda áfram að læra... áður en tíminn flýgur í burtu.....

p.s. fékk gula beltið í Taekwon-do áðan ;)

Ásta Lovísa

2007-04-06T15:51:00.000-04:00

Ég hef fylgst lengi með síðunni hennar Ástu Lovísu og fylgst með baráttu hennar við krabbameinið. Staðan í dag er hins vegar ekki góð og bíður Ásta Lovísa eftir því að fá að komast til New York, þar sem er eitt besta krabbameinssjúkrahús í heimi. Meðferðir og lyf á Íslandi hafa ekki borið árangur og því á að athuga með að fá meðferð þar.

Þetta er ung stelpa á okkar aldri og get ég ekki ímyndað mér hvað hún er ganga í gegnum og hvernig henni líður. Ég held að minnsta kosti að peningaáhyggjur á þessari stundu séu ekki eitthvað sem hjálpa henni í veikindunum.

Það er búið að setja upp upplýsingar um styrktarreikning á síðunni hennar og skora ég á alla sem hafa aðstæður til að láta gott af sér leiða og létta undir baráttunni hjá Ástu Lovísu.

Bankaupplýsingar: 0525-14-102510 Kt:09.08.76-5469

Ég er að minnsta kosti búin að leggja mitt af mörkum og vona að sem flestir geti gert slíkt hið sama.

Hafið það gott um páskana elsku dúllurnar mínar..

LáRa

hEiMiLiSLeGt

2007-04-06T10:24:00.000-04:00

Gott að geta bara skroppið út í Wholefoods jummmí ;)

Sápa Sápa Sápa

2007-04-03T13:04:00.000-04:00

hurru... það er kveikt á sjónvarpinu mínu og ég verð bara að segja það að mér finnt bara doldið ruglandi og óþægilegt að Macy og Rick úr Bold and the Beautiful séu bara allt í einu komin í aðra sápu, All my Children... Nógu mikið bull er þetta samt... Macy dáin í einni seríu... fær hærri laun í hinni... fer þangað.. deyr þar... fer annað... Ég sem hélt að þetta væri alvöru fólk og væri til í alvörunni! Er ég búin að lifa í eintómri blekkingu?

Er sem sagt Brooke ekkert skotin í Ridge... já eða Nick, já eða var það Thorne.. já eða Eric... æi þeir eru allir bræður, feðgar eða afasynir...Og greyið Taylor sem át úldna rækju og vörin stækkaði.. hvort ætlar hún að vera með Ridge, Thorne eða Nick... Djís... og elsku "fyrrverandi systkinin núverandi stjúpsystkin" Rick og Phoebe eru svo ástfangin....

Mér finnst þetta allt svo eðlilegt.....

Nei ég meina ekki það að ég sé að horfa á þetta?

Varúð.. allt of löng dagbókarfærsla :)

2007-04-02T20:52:00.000-04:00

I´m here I´m here !

Já.. æi þið vitið hvernig þetta er... Ég ætlaði að vera búin að blogga svo mikið fyrir svo rosalega löngu síðan að það verður alltaf erfiðara og erfiðara með hverjum deginum að koma því í verk :) Ég ætla rétt að vona það að ritstíflutímabilinu sé lokið...

Ekki það að ég hafi ekki nóg að skrifa um :) en það er önnur saga.

Þann 1. mars komu mín yndislega systir Gerða og hennar fjölskylda í heimsókn til Boston. Hentaði vel því á sama tíma byrjaði einmitt spring-breakið mitt. Eftir að ég hafði sótt þau út á völl áttum við kósí stund heima þar sem var eldaður gómsætur kjúklingaréttur a la Magga og farið snemma að sofa. Eins og sönnum Íslendingum sæmir var farið á fætur eeeeeldsnemma og á mjög svo ókristinlegum tíma miðað við þetta heimili :) En af stað skyldi halda því framundan beið okkar 12 tíma verslunarleiðangur í Wrentham outlet og Silver Galleria Mall. Markmiðið var að finna fermingardress á skvísuna hana Örnu Rán og gekk það bara ágætlega.. Get þó ekki sagt að það hafi verið það eina sem var verslað þann daginn hahahummm...

Um helgina vorum við rosalega heppin með veður og nánast peysuveður allan tímann. Við brölluðum því ýmislegt. Helst ber að nefna:

Skoðuðum nánast alla Boston, fótgangandi
New England Aquarium
Addi og Jón Gunnar fóru á NBA leik
Við stelpurnar versluðum aðeins meira..
Borðuðum á rosalega mörgum góðum veitingastöðum
Skoðuðum USS JFK skipið
Höfðum það hrikalega kósí

Boston vildi nú ekki leyfa þeim að fara heim til Íslands án þess að finna fyrir virkilega góðu vetrarveðri og því umbreyttist hitastigið úr +15°C yfir í feels like -25°C á mánudeginum. Við tókum því einn góðan göngutúr á Newbury Street en urðum fljótlega að gefast upp og halda heim í hlýjuna... þvílíkur kuldi...

Takk kærlega fyrir heimsóknina - hlakka til að fá ykkur næst :)

Þess ber að geta að ég er búin að búa til nýja myndasíðu! Loksins Loksins segja sumir... enda búin að búa í Boston í rúma 7 mánuði... tisss það er ekki neitt... ;) Setti inn myndir af heimsókninni ásamt nokkrum myndum úr fermingunni hennar Örnu Ránar. Er ekki ennþá búin að setja inn myndir aftur í tímann... en það kemur... á endanum :)

Myndasíðan er : http://laragudrun.myphotoalbum.com

Ef þið viljið skoða og eruð falleg og skemmtileg þá getið þið fengið aðgang að síðunni :)

-----------------------------------------------------------

Þar sem þau komu í heimsókn 1. mars til 6. mars þá ætti ég kannski svona í leiðinni að koma með fréttir hvað ég er búin að vera að bralla síðan þau fóru... svona ef ske kynni að ritstíflan myndi aftur gera vart við sig ... Allur er varinn góður og maður tryggir víst ekki eftir á :)

Hafði rosalega gaman að því að halda því leyndu fyrir Örnu Rán að ég væri að koma heim til Íslands í ferminguna enda vel þess virði þegar ég hitti hana fyrst þarna á laugardeginum.. hélt að munnurinn hennar myndi detta í gólfið :) Það var rosalega gott að koma heim til Íslands þó svo að þetta hefðu bara verið 4 nætur. Náði líka að láta Dagbjörtu missa andlitið þegar ég heimsótti hana í vinnuna á fimmtudagsmorgninum, enda vissi hún ekki betur en að ég ætti að koma heim á föstudagsmorgninum... hehe ógó gaman :) Ætla alltaf bara að koma surprise heim.. það er svo gaman.

Þó svo að ég hafi bara stoppað mjög stutt þá náði ég að gera alveg heilan helling... Fór í saumaklúbb til Guðrúnar þar sem ég hitti Guðrúnu, Ingu Rut, Vilborgu og Nínu.. Guðrún bauð upp á alllllt of girnilegar veitingar og átum við og spjölluðum heillengi um allt milli himins og jarðar. Fyndið hvað einhvern veginn það verður alltaf bara eins og maður hafi hist í gær þegar maður hittir svona góða vini.. :) Hlakka til að eiga skemmtilegt sumar með ykkur öllum.

Á föstudeginum skelltum við, ég, Nína og Henný okkur svo í leikhús að sjá Pabbinn.. rosalega skemmtilegt stykki... og fengum okkur svo ljúffffenga Eldsmiðju pizzu.... Já að sjálfsögðu fékk ég mér líka American Style daginn sem ég lenti.. hvað haldiði :) Já og aftur á sunnudeginum ef þið endilega viljið vita heheheh. Við áttum síðan miða á Sálina á Nasa og var planið að fara heim til Hennýar og skella aðeins í aðra tánna og fara svo niðrí bæ á ballið. Við gleymdum okkur aðeins í Singstar keppni og var klukkan orðin 3 áður en við vissum af... Þannig að við sungum bara aðeins lengur ;) Að sjálfsögðu rúúúúústaði ég keppninni...

Hitti svo Dagbjörtu og Bryndísi mínar á laugardeginum eftir að ég var búin að heilsa upp á Örnu Rán og co og átti svo rólegheitarkvöld með Nínu, Henný, Vilborgu og Írisi heima hjá Nínu.

Fermingardagurinn rann svo upp... Yndislega vel heppnaður dagur og ótrúlega gaman að geta hitt nánast alla stórfjölskylduna á þessu 5 daga ferðalagi mínu til Íslands. Arna Rán var ekkert smá flott og veislan og maturinn æðislegur. Fórum svo nánasta fjölskyldan heim í Bakkastaði og Arna Rán tók upp gjafirnar og áttum við smá Family quality time together :)

Ég væri nú alveg til í að fermast aftur miðað við gjafirnar allavegana... MÁ ÞAÐ? :)

---------------------------------

Það var nú líka ágætt að komast aftur til Boston og komast í þessa venjulegu rútínu... fara í leikfimi, fara í Taekwondo, drekka vatn ;) , byrja að læra aftur og allt þetta sem fylgir daglegu lífi. Elsa og Oddur komu svo á föstudaginn síðasta hingað út á leið sinni til Biloxi, Mississippi. Héldu áfram för sinni í gærmorgun og koma svo aftur við í baka leiðinni :)

Já... þetta er meira orðið svona eins og dagbókarfærsla fyrir mig... en þið sem eruð ennþá að lesa... Gott með ykkur :) Ég er allavegana búin að losa stífluna og gott betur en það... þannig að næsta færsla ætti að vera í eðlilegri lengd.

Sakna ykkar allra....

LáRA

Jeiiiiii

2007-03-24T17:25:00.000-04:00

Ég er á Íslandi! Bara svona ef það er einhver sem ekki vissi það nú þegar :)

Er búin að hitta Örnu Rán og hún var ekkert smá steinhissa að sjá mig... plottið mitt svínvirkaði og það er hrikalega gaman að vera búin að koma heim og knúsa alla í kaf.

Bið að heilsa í bili....

Ja hérna hér..

2007-03-17T17:53:00.000-04:00

Jájá ég er ennþá á lífi og aldrei verið hressari :)

Ferðasagan er öll að koma ... segjum að hún sé í smíðum.

Héðan er allt gott að frétta. Upplifði 20°C sól og sumar og feels like -10°c og 15 cm snjó á 48 klst. Geri aðri betur... svo er sagt að það sé funky veður á Íslandi.

Fór í gær í snjónum í ræktina og barðist svo í brjáluðu veðri yfir fenin í Taekwondo. Ég hélt ég myndi deyja á leiðinni heim, eftir mikið púl, að klofa yfir þennan 15 cm snjó sem ákvað að koma bara si svona á einum degi. Var mjög freistandi bara að leggjast í snjóinn og hvíla sig aðeins...

Ég var alveg búin þegar ég kom heim... var komin upp í rúm um tíu.. prjónaði aðeins :) og svaf svo í 12 tíma heheh.

Í dag er St. Patricks day og allar útskýringar á þeim degi eru vel þegnar. Ég skaust yfir í Taekwondo og annar hver maður sem ég mætti á leiðinni var íklæddur grænu og blindfullur...og hver einasti bar stútfullur. Ákvað síðan bara að skella mér í ræktina líka og því má segja að ég sé búin að svitna eins og xxxx í kirkju tvisvar í dag :) Á leið minni þangað varð ég næstum því fyrir snjóbolta árás í snjókasti milli fullra og blindfullra... Gaman að því... Sá hins vegar ameríska leið til að búa til snjóhús og get ekki annað sagt að ég hafi verði impressed.

Hurru.. já ferðasagan öll í smíðum... Ég ætla að stökkva í sturtu og svo í stelpupartý til Ásdísar..

Adíós

Hvað er málið???

2007-03-06T22:32:00.000-05:00

Vorum úti á peysunni, sumir á stuttermabol, á laugardaginn síðasta.... Í dag er -13°C ... feels like -23°C ....... Næsta sunnudag verður +12°C.....

Ég hreinlega bara botna ekkert í þessu :)

Ferðasagan í smíðum ...

hah hah :)

2007-02-27T12:47:00.000-05:00

Var að fá í fyrsta skipti svona "take-home" exam sem virkar þannig að við fáum prófið og höfum viku til að leysa það heima... gaman að því :) Ætla hins vegar ekki að deila hér á alheimsnetinu skoðunum mínum á sjálfum prófessorinum, fæst orð hafa víst minnsta ábyrgð.

En... kennarinn ætlaði víst að setja prófið á netið á föstudaginn síðasta, en var hins vegar svo "upptekinn" að hann náði ekki að setja prófið á netið fyrr en í gær... vikuskilafrestur .. og springbreak byrjar um helgina...*PIRR* ARG *PIRR*... og Gerða og þau koma á fimmtudaginn. Well hann er víst jafn chillaður á skili held ég, þannig að formlegur skilafrestur er 5. mars. Ætla hins vegar að reyna að rumpa þessu af í dag og á morgun.

Opnaði prófið í gær og byrjaði eitthvað að skoða það og fann strax tvö atriði í tveimur dæmum sem voru eitthvað skrýtin...sendi póst á kennarann.. jú, þá kom á daginn að þetta var bara vitleysa... hva.. Lára bara strax farin að leiðrétta kennarana :*) hana nú...

En þá er um að gera að fara að drífa sig að klára heimadæmin og ljúka þessu prófi af...

Hlakka svo til að fá stóru sys og fjölskyldu eftir tvo daga og nokkra klukkutíma.... :)

Congratulations on Passing Your Test!

2007-02-26T18:52:00.000-05:00

February 26, 2007

Dear Member,

I would like to congratulate you on successfully passing your rank test on Sunday. We will have a rank ceremony on Wednesday, February 28th at 7:30 pm. With Grandmaster Kim. Please be here in your uniform to receive your new rank.

Best Regards,

Michael O’Malley
Senior Instructor

Gleði Gleði Gleði..

2007-02-23T14:14:00.000-05:00

Ja hérna hér... mér er svo sem nokk sama um íslensku páskaeggin - in a way... en gleðilegust þykir mér þessi setning:

"Bandaríkjamenn eru ekki aðeins hrifnir af íslensku súkkulaði því eins og margoft hefur komið fram seljast vörur Mjólkur samsölunnar einnig afar vel í verslunum Whole Foods. Í rúmt ár hefur verið boðið upp á skyr, osta og smjör í þrjátíu verslunum og nýverið var stigið stórt skref þegar samþykkt var að færa vörur í fleiri verslanir. Nú er búið að samþykkja að við förum upp til Boston og yfir til New York á einu bretti í lok mars."

Merkilegt nokk...

2007-02-20T23:13:00.000-05:00

NAUT 20. apríl - 20. maí

Allar langanir þínar eru að keppast um stað í hugsunum þínum, stundaskrá og bankareikningi. Einbeittu þér. Hlutinir geta gerst frá augnabliki til augnabliks. Framtíðin er endalaus runa af nú-um.

.. Roadtrip um USA, Hawaii, Spánn, Hróarskelda, Ísland, USA ..

Þarf að segja eitthvað fleira? Mig langar svoooooo mikið :)

Sumarbústaðafílingur..

2007-02-19T10:16:00.000-05:00

Já, ég er komin heim aftur eftir helgina, örlítill sumarbústaða-fílingur í manni... kannski sökum þess að Dagga vinkona er búin að fara held ég í 3 sumarbústaðaferðir á árinu og það er rétt febrúar.

Á föstudaginn pakkaði ég mat, fötum, spilum og tilheyrandi í tösku og rölti áleiðis til Möggu og Hrafnkels því Gummi skrapp til New York City að hitta vini sína. Magga krúsímús vildi fá Bodyguard í heimsókn og það sem ég er taekwondo meistari var ég að sjálfsögðu ráðin á staðnum :)

"Helgin" byrjaði eiginlega á fimmtudaginn, þar sem við Magga áttum æðislegan dag, fórum í manicure og pedicure og skelltum okkur svo á Bangkok City og fengum okkur ljúffengan mat ....

Eftir taekwondoið á föstudaginn fór ég síðan til Möggu þar sem við elduðum okkur kjúlla og horfðum á stelpuvideomynd. Hrafnkell er orðinn langbesti vinur minn í geiminum þó svo að honum hafi fundið hálffurðulegt fyrsta daginn að ég hafi komið fram úr svefnherberginu en ekki pabbi hans. Við fórum í stóóóran göngutúr um alla Boston í yndislegu veðri á laugardeginum og elduðum okkur svo pizzu um kvöldið. Við brölluðum ýmislegt og höfðum það rosalega kósí og það má segja að ég sé orðinn "Besti PastaKastari Ítala" .. "ég hef keppt í PastaKasti á spítala".. Síðan er ég orðin hin mesta prjónakona, sýni ykkur afraksturinn þegar ég er búin :)

Svo var bara æðislegt að eiga svona fullt af stelpuvinkonu tíma og spjölluðum við Magga um nánast allt milli himins og jarðar... :) Ótrúlega gaman...

Nína kom okkur svo nánast á óvart þegar hún sagði að það væri bolludagurinn í dag.. Skrýtið hvað svona dagar fara einhvern veginn alveg framhjá manni þegar maður er í úddlandinu. Við ætlum því að baka bollur með kaffinu á eftir ... jeiiii :) Svo að aldrei að vita nema við klínum ösku á Hrafnkel og hengjum í hann öskupoka á miðvikudaginn.... Ég hef hins vegar aldrei verið spennt fyrir saltkjöti og baunum....... túkall!

Nú fer aldeilis að styttast í systu og fjölskyldu og er ég farin að hlakka aldeilis til... enda bara rúmir 9 dagar í þau... úfff.. best að vera duglegur að læra þangað til.. tíminn er svo fljótur að líða :)
Læt fylgja hér með nokkrar myndir frá helginni....

Newbury Street

John Hancock tower

Hrafnkell Árni vel dúðaður fyrir göngutúrinn

Fínasti róló, nema við gátum ekki stoppað lengi, það var eins og það væri búið að teppaleggja yfir völlinn með íshellu... stórhættulegt þannig að við stoppuðum stutt í þetta skipti.... lengur næst :)

Venjulegt fólk fer að vega salt - Magga fer að ramba! WTF ?

Happy Valentine´s Day :)

2007-02-14T13:04:00.000-05:00

Elskendur nær og fjær.. til hamingju með daginn!

Vil einnig nota tækifærið og segja að ég elska ykkur öll og notum daginn í að vera góð við hvort annað. Einnig vil ég óska Val innilega til hamingju með daginn og Huldu og Val til hamingju með brúðkaupsafmælið :)

Ameríkanar eru að sjálfsögðu búnir að vera að missa sig síðastliðinn mánuð í tilefni þessa dags.. hjartasúkkulaði, hjartabangsar, blóm í massavís, sjónvarpsauglýsingar, útvarpsauglýsingar, blaðaauglýsingar, endalausar varíasjónir af kortum... skreytingum og fleira....

Ameríkanar eru alveg sérstök tegund af fólki...

Í fyrsta skipti snjóaði hér almennilega... þá as in almennilega að það eru hvítir bílar, hvítar götur og bara svona gott íslenskt veður með slabbsnjókomu... snjórinn í götunni minni nær frá götunni upp að gangstéttarbrúninni.... en svo mikið að öllum tímum hefur verið aflýst í skólanum mínum eftir kl 4pm í dag! Gummi fer heldur ekki í skólann þar sem þeir hafa ekki undan að ryðja á bílastæðinu..... Algjör hreinasta snilld.

Hins vegar vildi ég líka deila því með útlandaíslendingunum sem lesa þessa síðu að núna er loksins orðið áhorfandi á VefTV visis.is eftir að ég sendi skammarmail á frkv.stjóra D3 sem sér um síðuna. Þetta fór strax í vinnslu og var ég með í testi hjá tæknimanni vodafone og núna getur maður loksins horft óhikstandi á Fréttir, Ísland í Dag og Kompás :) Jeiii áfram ég...

Lára í "brjálaða veðrinu" ... eða ekki heheh

This is what the fuzzz is all about :

Að sjálfsögðu fór Gainsborough Management í málið og reddaði hlutunum... með skóflu og snjósláttuvél.. Ekki má Lára sín detta á hausinn..... hummm þó ég hafi nú dottið á hausinn í gær beint fyrir utan húsið mitt og þá var enginn snjór... en ja.. það er önnur saga :)

Lára Guðrún Gunnarsdóttir skrifar frá Boston...

2007-02-13T12:18:00.000-05:00

.... Komin af bókasafninu og vel það :)

Já, Unnur Stella hafði áhyggjur hvort ég hefði lokast inni á bókasafninu, en nei.. langt í frá... og hef ég verið busy að gera nánast allt annað en að læra ... haha hummmm :)

Olga - Óttar - Inga frænka - Hidda - Lára í afmæli hjá Óttari

Þann 1. febrúar síðastliðinn komu Ólöf og Gummi með Fungwah rútunni frá New York city :) Mikið hrikalega var gott að fá þau í heimsókn og knúsa þau í tætlur. Ásdís/Doddi, Ólöf/Gummi hafa aðeins fjallað um þetta á síðunum sínum og því ætla ég að reyna að stikla á stóru.

Á föstudeginum nutum við veðurblíðunnar og löbbuðum um alla Boston. Ólöf og Gummi voru mest hissa hvað Boston væri í raun og veru lítil og hvað hún væri rosalega hrein og fín :) Jamm, þetta er yndisleg borg. Við löbbuðum um Boston Common og ég lét plata mig á skauta! Já var einmitt búin að gefa út það komment að fara aldrei aftur á skauta eftir að ég datt einu sinni svo svakalega að ég var að drepast í rófubeininu í 3 mánuði :) En á svellið fór ég ... einn hring með fram "bakkanum" Nokkuð góður árangur þar hah :)

Ólöf og Ásdís töpuðu sér aðeins í H&M þannig að við strákarnir, ég Doddi og Gummi settumst á barinn á Joes og höfðum það hrikalega gott... bjórinn rann niður sem aldrei fyrr.. og vorum við búin með rúmlega 3 bjóra þegar stelpurnar komu og vorum orðin ansi hress. Skelltum okkur því á Houstons og ekki sveik maturinn þar okkur frekar en fyrri daginn.

Fórum svo heim til Ásdísar og Dodda og spiluðum póker langt fram á nótt og drukkum allllllt of mikið :)

Laugardagurinn rann upp og heilsan svona tjah... hefur verið betri. Skelltum okkur í Museum of Science og sáum mynd í IMAX um Alaska (180° bíótjald þvílíkt gaman). Fórum síðan á gútsí-gútsí (Cuchi-Cuchi) í Cambrigde og fengum fínan mat. Heilsan tjah aðeins að skána en ekki mikið í tjúttfílingnum. Fórum heim til mín og höfðum það kósí :)

Á sunnudeginum fórum við í ljúffengar íslenskar pönnsur til Ásdísar og byrjuðum aðeins að skipuleggja Roadtripið :) Það er vel hægt að segja að það sé stórt verkefni fyrir höndum og tíminn á eftir að líða ótrúlega fljótt.. þannig að það er um að gera að byrja strax að skipuleggja... Ef þú lesandi góður hefur sjálfur eða þekkir einhvern sem hefur farið í Roadtrip um Bandaríkin þá eru allar upplýsingar vel þegnar á laraxgudrun@gmail.com .

Ólöf og Gummi fóru síðan til baka til NYC á sunnudagskvöldinu eftir mjöööög skemmtilega helgi.

-------------------------------
Þriðjudagurinn 6. febrúar rann upp í öllu sínu veldi og enginn annar en Justin Timberlake um kvöldið! Sátum í geðveikum sætum... ég fékk alveg gæsahúð þegar ég labbaði inn í höllina þegar Pink var byrjuð að syngja... milljón manns og allt svo hrikalega flott eitthvað :) Justin klikkaði ekki ... jesú minn hvað hann er hrikalega flottur og flottur dansari :)

Smellið hér til að sjá myndbandið með Justin og Scarlett - What goes around, comes around.

-------------------------------
Föstudaginn 9. febrúar hélt ég saumaklúbb fyrir okkur íslensku pæjurnar í Boston... Að þessu sinni mættu ég, Ásdís, Magga, Olga og Kristín og átum við yfir okkur af ljúffengu grænmeti, ávöxtum, ostum og mexíkóskum rétti... mmmm rosa gott :) Stefnum á að hittast sem fyrst aftur.
-------------------------------

Já, svo er maður búinn að vera að taka á því :)

Þessir 3 DVD workout diskar sem ég keypti af Ebay komu í vikunni og er ég búin að vera dugleg að nýta parketið í stofunni :) Einnig erum við búnar að vera duglegar að mæta í Taikwondo og stefnan sett á próf 25. febrúar þar sem við ætlum að ná nýju belti - hvítu með gulri rönd :) Kynntist stelpu frá Sviss í tíma í gær sem var að byrja líka, og er hún í Music Business í Berkelee .. alltaf gaman að kynnast nýju fólki. Síðan er bara um að gera að taka rækilega á því fram að Roadtripi svo maður eigi eftir að vera hrikalega flott módel á öllum þessum myndum sem verða án efa teknar :)

Fór síðan til Möggu og Gumma í mat á sunnudagskvöldið... ljúffengur matur eins og alltaf og síðan horfðum við á Grammy Awards... Rosa flott show. Öfundaði samt ekkert smá stelpuna sem vann keppnina Grammy moments, og fékk að syngja tvö lög upp á sviði með Justin. Fyrst "Aint no sunshine" og síðan "My Love"..... með bæði Justin og T.I. og dansaði og alles :)

"If I wrote you a symphony - Just to say how much you mean to me - what would you do"

Var síðan að fá pakka sendan að heiman frá Gerðu og Adda og Nínu... Hlý undirföt úr álafoss... síðar afabrækur og bolur þannig að núna verður mér alltaf hlýtt... fékk síðan bókina sem mig vantaði í seríuna um Kvenspæjarastofu nr.1 , auðkennislykla fyrir íslensku heimabankana og síðast en ekki síst 3 stykki af Boxy strokleðri :) jeiiiiiii :)

TAKK FYRIR MIG :)

Humm... núna er þessu skyldu bloggi lokið... vona að ykkur hafi ekki leiðst of mikið.... Hlakka til að skrifa næst... Pásan búin.. og skora á Henný og Nínu að byrja aftur af krafti.. Sakna ykkar allra - þið þarna fólkið mitt á Íslandinu -

Síðan vil ég benda á teljarann að það eru bara 15 dagar í Gerðu og co. og neðst á síðunni er teljari sem segir mér að það séu "bara" 2 mánuðir, 2 vikur og 6 dagar í að Nína komi til Boston ...

.: LáRa GuÐRúN :.

Sætar :)

2007-02-12T00:50:00.000-05:00

2007-02-11T11:18:00.000-05:00

Stjörnuspáin af mbl.is - Vonum að þetta verði málið í dag sem og alla aðra daga ..

Naut: Þú verður valin/n til að leiða hópinn því þú sérð margt sem aðrir ekki sjá. Það sem er augljós fyrir þér, sjá aðrir í þoku. Taktu þinn tíma til að útskýra hvað þú skilur og kannt. Hlustendur verða athugulir.

Annars er ég að fara að blogga... þetta er allt í smíðum :)

ahhhh...

2007-01-31T14:21:00.000-05:00

mikið svakalega var þetta svekkjandi í gær.... við vorum svooo close but yet soooo far núna. En hins vegar verðum við að líta á björtu hliðarnar að við getum ennþá náð 5. sætinu... og þar eru ekki ómaklegri lið en Króatía, Spánn og Rússland.... Koma svo og taka þetta bara :)

Hins vegar er alveg nóg að frétta af mér sjálfri og er ég sjálf á góðri leið að verða heimsmeistari í svo mörgu. Eftir æsispennandi leik í gær, sem Ásdís og Doddi horfðu á með mér, var ég svo uppspennt og stressuð að ég skellti mér út í Marino Center (sem er íþróttacenterið hjá NorthEastern) og ákvað að fara að brenna í 20 mín eða svo. Mikið helv#$% var það notalegt og fín leið til að fá góða útrás. Vaknaði síðan snemma í morgun og skellti mér bara aftur í leikfimi... núna alveg hátt í klukkutíma brennslu. Hah sko dugleg ég.. alveg að verða heimsmeistari bara á einum sólarhring :)

Já og ég ákvað að staldra bara ekkert við þar, heldur lét eftir múgæsingshópþrýstingi frá Dís&Doddz, og byrja í Taikwondo á morgun :) Komin með búning og allt. Nú mega bara allir hreint fara að vara sig á Láru, aka Deadly Weapon :) Byrja á morgun í einkatíma, sem verða alls þrír talsins, og eftir það verður ekkert því til fyrirstöðu að ég og Ásdís verðum alveg hrikalega duglegar að mæta og sýna listir okkar :)

Já... svona er Boston í dag...

Well... got to get going... heimadæmin bíða.. Farin á bókasafnið..

Yfir og út í bili...

Jeiii

2007-01-28T00:16:00.000-05:00

Lítill fugl hvíslaði því að mér að Boston mætti fara að undirbúa sig... því jafnvel væri von á New York búunum Ólöfu og Gumma um næstu helgi :*) Meira um það síðar ..

Hidda kom í dag og við horfðum á þennan þvílíkt spennandi leik. Ísland - Slóvenía. Við uppskárum sigur og þ.a.l. amk þriðja sæti í milliriðlinum öruggt og því komin á topp 8 :) Haldið að það sé :) Hins vegar eru ekki eins góðar fréttir að Logi og Guðjón Valur séu meiddir.... Vonum bara að Inga nuddari og co tjösni þeim saman :)

Ætla að halda áfram að læra aðeins og fara síðan að lúlla mér.... Ásdís og Doddi mæta síðan upp úr hádegi á morgun og þá verður tekist á við þýska stálið.. JA WOLL... :) Island über alles... og hana nú! Wir gibt sieben Meter und er gibt zwei Minuten Straffe... die isländische Mannschaft ist sehr gut.

Bis bald!

Fräulein Lara Schneider

Lára var ein í heiminum .... eða ekki :)

2007-01-26T21:26:00.000-05:00

Tjahh þið segið það...

já það er vottur fyrir örlitlum einmannaleika hér á bæ.

Nína í skvísu-sumarbústaðaferð með öllum tilheyrandi herlegheitum, Henný og Dagbjört mestu skvísurnar á árshátíð 365 og allir einhvern veginn á fullu allsstaðar... og ég sit hér ein í milljón gráðu frosti...

Það er ekki frá því að þessi önn er einhvern veginn allt öðruvísi en sú fyrri, þar sem helmingur hinnar annarinnar fór í að koma sér fyrir svo ekki sé minnst á allan gestaganginn sem var alveg hreint ómetanlegur! Núna sé ég ekki fram á heimsóknir fyrr en 1. mars nk og fyrir utan það að kuldinn hérna er ekki alveg að gera sig.

En.. hins vegar veit ég að ég hef það alveg rrrobbboðslega gott og á alveg hellings af fallegum vinum sem hugsa til mín. Átti mjög skemmtilegt samtal við Hennsluna mína á webcam á msninu í dag... og síðan hringdi Ólöf með peppup símtal dauðans - takk sæta mín - og er ég harðákveðin að fara til New York á næstu 3 vikum... eigum eftir að finna besta tímann sem hentar að skólaskipulaginu okkar. Síðan kórónaði Dagga mín daginn þegar hún hringdi núna rétt í þessu þegar hún var á leiðinni heim af árshátíðinni og sagði að hún bara hefði orðið að hringja í mig því hún saknaði mín svo mikið... árshátíðin var víst ekki söm án mín heheheh :)

Þess vegna er þetta bara allt á uppleið og ég fékk heldur betur spark í rassinn í lærdómnum þar sem New York ferð er nú skyndilega í spilunum.

Ekki skemmir heldur fyrir að ég fékk skemmtilegar fréttir um viðbót í fjölskylduna á þessu ári. Jeiiiiiiiii..... :)

Jæja ég er þá farin aftur að læra :)

Svo er bara um að gera að rúúúúústa þessum tveimur leikjum um helgina... Slóvenar og Þýskarar þið megið bara passa ykkur....

2007-01-26T00:44:00.000-05:00

Say no more !

p.s. Mamma.. núna kæmu ullarnærbuxurnar sér aaaaaafar vel ! brrrrrrrrrr

Hitt og þetta :)

2007-01-24T12:23:00.000-05:00

Héðan er allt gott að frétta, enda eintóm gleði hér á bæ eftir að Ísland vann Frakkland.

Við (ég, Díz&Doddz) erum nú þegar búin að skipuleggja að hittast og horfa á þessa fjóra leiki sem framundan eru. Við ætlum að horfa saman á Túnis leikinn á eftir meðan við slöfrum í okkur gómsætt Sushi.

Var í skólanum í allan gær með Anish og Gibran vinum mínum þar sem við vorum að vinna í heimaverkefnunum okkar. Síðan vorum við í tíma frá kl 6 og síðan kom ég heim og horfði á ótrúlega skemmtilegt American Idol sem mr. TíVó tók upp fyrir mig.

Hér er aðeins hlýrra og í fyrsta skipti síðan ég kom hefur sést í hvíta jörð :) Ekkert nema gott um það að segja svo lengi sem það er ekki 20 gráðu frost. Reyndar stefnir í að það verði ískalt hérna um helgina....

Til gamans má geta að ég hjálpaði Anish að búa til sinn fyrsta snjóbolta á ævinni. Já ótrúlegt en satt þá hafði hann aldrei séð snjó áður enda frá Indlandi þar sem er alltaf grilljón gráðu hiti. Ég sagði honum söguna þegar við bjuggum til stóra snjóhúsið út í garði hjá Guðrúnu fyrir nokkrum árum og skoraði svo á hann í snjókast um leið og það kæmi almennilegur snjór hér.

Þetta er samt alveg ótrúlegt... og reyndar voru þeir bara hálfsmeykir þegar ég var að kasta í þá snjóboltum hehehh. Ég er ekki svo viss um (þó maður blóti stundum færðinni heima) að maður myndi vilja skipta nokkru út fyrir að hafa aldrei séð snjó.... aldrei farið á skíði, aldrei á sleða út í brekku, aldrei búið til snjókarl, snjóhús eða farið í snjókast... eða jafnvel aldrei búið til engil í snjónum... hummm lífið er ótrúlega skrýtið...

En núna ætla ég að fara að koma mér í handboltastellingar... adíós og áfram Ísland :)

2007-01-22T15:47:00.000-05:00

We are the champions..... of the world! No time for looooosers 'cause we are the champions :)

Men hvað þetta var spennandi.... ég settist á gólfið í byrjun leiks.. og kom mér ekki í það að standa upp til að setjast í sófann... var svooooo spennt.

Hlakka til að horfa aftur á leikinn í kvöld með Ásdísi og Dodda ... því missti af smá köflum og köflum því leikurinn var alltaf að frjósa...

En ef það er ekki tilefni að vera í stuði núna... þá veit maður ekki.... :)

Gerum okkar gerum okkar gerum okkar gerum besta....og aðeins betur ef það er það sem þarf! í milliriðlinum.... nú verður gaman að horfa :)

Áfram Ísland!

2007-01-22T13:40:00.000-05:00

Koma svo....

Örlítið til að komast í réttu stemmninguna...

http://www.youtube.com/watch?v=zsC9SYJke7I

Takk Guðrún

Hvað er málið....

2007-01-21T22:19:00.000-05:00

Fyrst skítur Íslenska handboltalandsliðið illilega á sig í Þýskalandi á móti Úkraínu og síðan tapar New England Patriots í undanúrslitunum fyrir Superbowl.. allt á sama deginum.

Spurning hvort að það eina sem dugi sé að halda með Frökkum á morgun, það væri okkar eina leið til að vinna :) En strákar, þið takið þetta á morgun.... OK Pollýanna...

Annars vil ég bara óska Badminton fólkinu innilega til hamingju með daginn... og þakka Óttari kærlega fyrir gott partý í gær og Hiddu, Ásdísi og Dodda fyrir samveruna í dag... jafnvel þótt við höfum tapað ... :)

Æ´m alææææææv :)

2007-01-19T13:06:00.000-05:00

jáhá... var farin að fá hótunarbréf hvort ég væri ekki að fara að auglýsa þessa síðu :) Þannig er það að ég vildi hafa allt á hreinu hvort þetta virkaði hreinlega... og eftir að opnað var fyrir aðgang að HM-síðunni í dag þá voru okkur allir vegir færir.

Síðan sjálf er : http://www.sportdigital.tv þannig að málið er að hrista þýskuna fram úr erminni. Þar þarf að registera sig inn og þá fær maður email með link sem activeitar reikninginn.
Síðan er trikkið... Maður getur borgað 19.99 Evrur fyrir alla keppnina og síðan 2.99 Evrur fyrir einstaka leik ef menn kjósa það! Til að logga sig inn skráir maður email og password neðst á síðunni.. Þar velur maður síðan Mein Konto og síðan Spiele kaufen :) Ég er svo óóóógeðslega góð í Þýskunni...

Gangi ykkur vel :)

Dagskrá Íslenska landsliðsins og okkar riðils:

Laugardagur 20. janúar
Ísland - Ástralía kl. 10:00 í Boston (15:00 á Ísl.)
Úkraína - Frakkland kl. 12:00 í Boston (17:00 á Ísl.)

Sunnudagur 21. janúar
Ástralía - Frakkland kl. 10:00 í Boston (15:00 á Ísl.)
Ísland - Úkraína kl. 12:00 í Boston (17:00 á Ísl.)

Mánudagur 22. janúar
Úkraína - Ástralía kl. 12:00 í Boston (17:00 á Ísl.)
Ísland - Frakkland kl. 14:00 í Boston (19:00 á Ísl.)

Ef maður kaupir alla keppnina á 19.99 Evrur fær maður að sjálfsögðu aðgang að öllum riðlunum.

Ég ætla pottþétt að kaupa mér aðgang þannig að þeir sem eru í Boston og vilja spara sér kaupin eru velkomnir til mín í bjór og handbolta :)

Ef þið viljið að ég skrifi upp dagskrá á öðrum leikjum þá bara holla :)

Hannes Jón... (þekkjumst við ? :) ) og aðrir nærsveitamenn ég vona að þetta hjálpi eitthvað :)

OMG OMG OMG :)

2007-01-17T16:51:00.000-05:00

ég er svooooooooo glöð í dag :)

Fann eftir mikla leit.... á google (hint á Kristján og Henný bwahahaha ) loksins loksins síðu á netinu þar sem ég get horft á allt HM í handbolta. Meiri gleðifréttir var nánast ekki hægt að fá í dag þar sem ég slefa af öfund að horfa á eftir Baddý vera að fara til Þýskalands á mótið.

Jeii Jeiii Jeiii núna get ég horft á HM í handbolta.....

Brrrrrrrr Boston...

2007-01-17T00:16:00.000-05:00

Já... tölurnar hér að neðan reyndust sannar og kikkuðu svo sannarlega vel inn í dag :)

Skrapp á Sushi með Ásdísi fyrir skóla og löbbuðum svo áleiðis saman, enda báðar í tíma kl 18:00.

Takk fyrir skemmtilegar og frekar misskilar MAC samræður :)

Átti enn og aftur skondinn dag í skólanum þar sem kennarinn hleypti okkur aftur fyrr út í dag þannig að við enduðum með að fara heim til eins stráks með mér í bekk.. nokkrir krakkar sem voru líka með mér í tímum fyrir áramót. Þar spiluðum við póker eins og herforingjar og ég er núna rétt nýkomin heim... Rosa fínt kvöld..

Síðan er ég búin að koma mér kósí fyrir upp í sófa og ætla að horfa á fyrsta þáttinn af American IDOL sem MR. TíVó var svo elskulegur að taka upp fyrir mig ...

Vel á minnst... Idol... Þið verðið! að skoða þennan link... Paula Abdul idol-dómari blindfull eða vel reykt í viðtali við sjónvarpsstöð í Seattle... Alveg magnað!

http://www.youtube.com/watch?v=eeAQu9I0wfM

Fann annað líka :

http://www.youtube.com/watch?v=hF_QNaDaFzQ

Annars er allt til á youtube.com Fann viðurstyggilega myndbandið sem sýndi aftökuna á Saddam... bwjakk... vil lítið sem ekkert tjá mig um það hins vegar.

Endilega látið mig hins vegar vita hvað ykkur finnst um elsku Paulu Abdul :)

Erum við að grínast eða???

2007-01-16T12:21:00.000-05:00

BRRRRRRRRRRRRRRR.......

OG Á MORGUN VERÐUR ENNÞÁ KALDARA......

Feels like -20°C... það hlýtur að vera mjööööööög kalt...

EN SVO Á EITTHVAÐ AÐEINS AÐ HLÝNA... THANK GOD!

Löööng færsla... en ég skulda víst :)

2007-01-15T11:25:00.000-05:00

Já.. keppnis keppni..

Skv. skilgreiningunni á þessari keppni var skilyrðið að blogga einu sinni á dag... og skv. því hef ég víst ekki alveg verið að standa mig í stykkinu...

Hins vegar finnst mér að önnur grein bloggreglnanna ætti að vera sú að það þyrfti að vera eitthvað skilyrði að ekki mætti einungis koppí peista texta frá annari vefsíðu og láta það teljast fullgild bloggfærsla... (Set Döggu Dómara í málið) Því tók ég mér frí frá störfum og naut helgarinnar í botn í góðum félagsskap og safnaði að mér efni í þessa fínu bloggfærslu....

En þá vandast málið hvað maður eigi að skrifa um :)

Ég fékk alveg hrikalega góðan félagsskap um helgina þegar hún Baddý mín kom í heimsókn, en hún var að vinna upp í New Hampshire dagana í kringum helgina. Við byrjuðum á því að stúdera og besta það hvar væri best að leggja þessu fallega farartæki sem Baddý var á.. Eins og sannir sérfræðingar fundum við það út að það væri best að leggja á einhverju forláta bílastæðasvæði í einn sólarhring og leggja svo eftir 6pm á Boylston þar sem það er frítt að leggja þar frá 6pm á laugardögum og allan sunnudaginn.. Þannig að ég tel að við höfum sloppið vel þar :)

Við fórum á Cheesecake og fengum okkur ljúffengan mat og höfðum það svo kósí heima um kvöldið. Á laugardeginum horfðum við á fyrri hálfleik á Ísland - Tékkland... by the way.. er einhver tölvusnilli þarna úti sem er tilbúinn að finna það út fyrir mig hvort ég geti náð HM í handbolta einhversstaðar.. hvort sem það sé í TV eða á netinu... Sá hinn sami fengi vegleg verðlaun :)

Síðan fórum við í leiðangur að finna Comcast búðir sem einkenndist af þónokkrum slide og sharp beygjum... HAHAHAH... en það endaði allt saman vel og núna á ég Mr. TíVó :) og get tekið upp allt sem mig langar... þá sér í lagi American Idol sem er á þriðjudögum og miðvikudögum akkurat þegar ég er í skólanum... MUST fyrir idol sjúklinga eins og mig :)

Sííííðan.... fórum við á Museum of Science... vísindamennirnir tveir... og fórum í Omni theater á geðveika sýningu í bíói þar sem sýningartjaldið er 180° kúla yfir öllum salnum. Ótrúlega sérstök tilfinning og maður lifir sig þvílíkt inn í sýninguna. Mæli með því fyrir alla og á pottþétt eftir að taka gestina sem eiga eftir að koma í heimsókn þangað :) Það var líka dálítið átakanleg mynd sem við sáum, en hún fjallaði um Hurricane Katrina.. Sagði frá tveimur tónlistarmönnum sem ætluðum fyrir Hurricane Katrinu að hrinda af stað átaki til að bjarga votlendinu (3 mán. fyrir Katrinu) og síðan um afleiðingar fellibylsins á þetta allt saman... mjög átakanlegt ...

Hér er meira um sýninguna (www.mos.org) :

This large-format film takes viewers to one of the most vibrant places in America: the Louisiana bayou and the city of New Orleans—a region overflowing with life, love, music, history, and heartbreaking natural beauty.
Tragically, the delta's bountiful coastal wetlands are eroding into the sea at the speed of one acre every 30 minutes, leaving the entire area ever more vulnerable to major hurricanes. Treated with the same care and sensitivity MacGillivray Freeman brought to the tragic story of Everest, footage shot both before and after Hurricane Katrina poignantly documents both an environmental calamity and the staggering effects of one of the most devastating natural disasters in American history.
Narrated by Meryl Streep, Hurricane on the Bayou is produced by MacGillivray Freeman Films in association

Á laugardagskvöldið fórum við síðan með Ásdísi og Dodda á Tapas bar á Newbury Street þar sem var borðaður ljúffengur tapas matur og drukkinn ótrúlega góður Mohito með :)

Fórum síðan á skemmtilegan pöbb á Lennox hótelinu og héldum síðan heim til mín og spjölluðum saman langt fram á nótt.

Vöknuðum síðan snemma til að ná seinni leiknum í handboltanum heima þar sem Ísland vann 34-32 og fengum okkur síðan Sushi. Baddý fór síðan seinni partinn aftur upp til New Hampshire og ég átti notalega sófakartöflustund.. líkt og fleiri fram á kvöld :)

Vaknaði eldhress í morgun og fór í fínan göngutúr í grenjandi rigningu og gerðist svo kræf að labba núna hinn hringinn... flippað?

Tja verð að skella mér í sturtu.. á að mæta eftir klukkutíma að láta taka sauminn úr löppinni...verður ljúft að losna við hann.. :) Síðan er það bara að byrja að skella sér af alvöru í lærdóminn haha humm?!!?!?!?!?!

Ha' det godt..

Fen.. ekkert slen :)

2007-01-12T15:39:00.000-05:00

Jæja.. búin með göngutúr dagsins.. Setti svo mörg skemmtileg labbilög á ipodinn minn að ég ákvað bara að labba stærri hring... Skora svo á Möggu að koma með mér næst :) Ætla að hoppa í sturtu og svo kemur Baddý skvís eftir 2 tíma og við ætlum að fá okkur eitthvað gott að borða...

Versli Versl

2007-01-12T13:38:00.000-05:00

Halló Halló frá Ammmmríku :)

Héðan er allt rosalega gott að frétta... tók mér bíl í gær og fór að versla... enda ekkert til í ísskápnum. Byrjaði á því að fara í Shaws og versla það helsta... $90 :) og ákvað svo að kíkja í Wholefoods búðina við Beacon Hill, bak við hótelið sem við vorum á, ég, Nína, Dagga og Bryndís í vor. Hef alltaf ætlað að kíkja þangað... og sé ekki eftir því. Hún er miklu stærri og girnilegri en búðin hérna rétt hjá mér... Ég gjörsamlega tapaði mér í grænmetis-og ávaxtaborðinu og var engu líkara en ég væri stödd í Disney teiknimynd... Gleymdi því í smástund að ég er bara ein í heimili.. en ætti svo sem ekki að vera í vandræðum að gúlpa í mig þetta gómsæta grænmeti...

Verst að það er ekki einungis grænmetið sem er girnilegt heldur er restin af búðinni ekkert "skárri"... Eyddi því öðrum $90 þar :) Geri aðrir betur...

Afraksturinn

Ákvað síðan að kaupa í gómsæta pizzu eftir að Magga bauð mér í ljúffenga um daginn. Það er ekki mikið mál á þessu heimili að skella í eina pizzu.. enda afbragðskokkur hér á ferð...

mmmmm ljúffeng pizza með sveppum, papriku, lauk, tómmötum, svörtum ólífum, niðurskornum ferskum basil og pizza osti... nb. þá keypti ég deigið og flatti það út sjálf... jeiiiii :)

Ekki lét ég þar við liggja heldur bjó til rosalega góðar lummur í morgun sem ég borðaði síðan með íslenskum skólaosti... mmmm :)

Ætla að skreppa út í göngutúr núna og síðan kemur Baddý um 18:00 í kvöld og við ætlum að bralla eitthvað skemmtilegt saman um helgina...

Góða helgi.... LáRa :)

Tölva smölva

2007-01-10T22:21:00.000-05:00

Ja hérna hér...Þráðlausa tengingin mín var búin að láta eitthvað leiðinlega og ég var alltaf að detta offline...Oft á tíðum komst ég hreinlega ekki online...

Hringdi í Comcast og Linksys og komst að því að tölvan mín og rouderinn minn voru víst out of range... ætli rouderinn hafi ekki bara saknað tölvunnar meðan hún var á Íslandi :)

Hins vegar svínvirkar þetta núna (7,9,13... so far) svo hrikalega vel að ég kemst á netið á ljóshraða.... allir í range og allir kátir :)

Það er því nánast ekkert sem stoppar mig í að blogga á fullu .... og hver veit nema maður geti talað almennilega á bæði MSN og Skype gegnum webcamið.... Vonum það amk og krossum fingur að þetta haldi áfram að vera svona hrikalega gott...

Bestu kveðjur frá íííssskaldri Boston.... (hins vegar verður 16 stiga hiti á laugardaginn...)

Stórfurðulegt

p.s. ég er að rúúúúúústa þessari keppni :)

SingStar

2007-01-10T16:51:00.000-05:00

.... fékk þá afbragðsflugu (gott nýyrði) í höfuðið, þegar ég var að finna "út-að-labba-lög" í iTunes, að leita eftir góðri textasíðu á netinu...

Hver þarf Singstar þegar hann á iTunes, Bose headphone og stórfína söngtextasíðu ???

Sat eflaust í dágóðan hálftíma og söng hástöfum, nágrönnum mínum til mikillar kátínu :)

Það er annars að frétta af SingStar málum í USA að Ásdís og Doddi hafa komist að því að SingStar var gefið út í fyrsta skipti í nóvember sl. Þá hefur einungis verið gefinn út einn diskur en það er SingStar Rock.. sem virðist þó vera ólíkur þeim sem gefinn var út heima. Sögur herma að Ásdís ætli að fjárfesta mjög fljótlega í gripnum og þá getur Ásdís byrjað að þjálfa Boston Dúettinn sem stofnaður var sl föstudag í partýinu heima hjá mér :)

---------------------------------------------------

"Þú gafst mér skýin og fjöllin og guð til að styrkja mig. Ég fann ei, hvað lífið var fagurt, fyrr en ég elskaði þig. Ég fæddist til ljóssins og lífsins, er lærði ég að unna þér, og ást mín fær ekki fölnað fyrr en með sjálfum mér."

... Já eða ekki.... :)