SyLvíA NóTT BaRa SniLLinGuR!

Þessi manneskja er bara snilld!
Mæli með því að þið tékkið á nýja Eurovision laginu hennar hér.
Endilega kommenterið hvað ykkur finnst um lagið!

Prinsessan mætt í heiminn!

Aðalskvísan fæddist kl. 2:20 í nótt, 27.janúar 2006 eftir að hafa víst látið mömmu sína hafa dálítið mikið fyrir sér. Hún var 4185 grömm og heilir 52 cm... úff bara rúmur meter að hún nái mér ..!

Öllum heilsast vel!

Elsku Inga Rut og Einar, til hamingju með prinsessuna og ég hlakka rosalega til að koma og sjá ykkur öll sömul...

Prison break!!!

Jeeeeeesúúúúússss minn góður hvað PRISON BREAK eru geðsjúkir þættir!
Mæli með því að þið fylgjist með þeim þegar þeir byrja á Stöð2 í næstu viku! Er búin að horfa á 4 þætti og ég er gjööööörsamlega húkt!

Ekki spillir fyrir hvað Wentworth Miller er guðdómlega fallegur!

Áfram Ísland!

Jeiii.. Ísland vann Serbíu / Svartfjallaland 36-31 í stórskemmtilegum leik sem var rétt í þessu að enda. Alveg hreint frábærlega stórkostlegt! Stefnir í allsherjar skemmtilega handbolta helgi!
Svo er það bara Ísland - Danmörk kl 19.15 á morgun og Ísland - Ungverjaland kl 17.00 á sunnudaginn! Koma svooooo strákar - við rúúúústum þessu bara!

Annars er bara allt gott að frétta.. alltaf jafn crazy að gera í vinnunni. Kíkti með Elvu Rósu á Vegamót á þriðjudaginn. Var alveg kominn tími til að hittast og spjalla aðeins! Enda kjaftað um allt milli himins og jarðar! Verðum að gera þetta sem fyrst aftur skvísa :)

Í kvöld er mér svo boðið í pókerveislu til Ólafar.. Íris frænka var hjá þeim um daginn og skemmti sér svona líka rosalega vel og var við það að panta miða til Vegas. Þannig að ég ætla að kíkja til þeirra í kvöld og læra að spila póker :) Haldiði að það sé ..!

Þangað til næst...out.

Help wanted :)

Jáhá.. var að koma heim úr ræktinni... eins og hálftíma brennsla.. vil þakka það American Idol en fyrsti þátturinn fór í loftið í kvöld á Sirkus... ótrúlega skemmtilegur! Kaninn er bara snillingur..

Vel á minnst Kaninn..

Sá það á blogginu hjá henni Möggu og eins hjá Dísu skvísu yfir-Bostonskvísum að það er bara farið að snjóa í henni Bostoníu. Svei mér þá!

Humm.. það styttist í lokasmíðina á skólaumsóknunum... Öll hjálp er vel þegin! Personal statement snillingur! If you are out there.. endilega sendu mér línu :)

Ég vil að lokum þakka öll þau fallegu orð í minn garð í kjölfar síðustu færslu.. heheh

Farin að taka til gúrkuna, kálið, paprikuna, sveppina, vínberin, greipdjúsinn, burnerinn, próteinsúkkulaðið, sódavatnið, hrökkbrauðið, pastaið, túnfiskinn og fleira góðgæti sem verður fæða morgundagsins.

Lifið heil, þangað til næst... Adíós!

Endilega svaraðu þessum lista í commenti

1. Hver ert þú? 2. Erum við vinir? 3. Hvenær hittumst við fyrst og hvernig? 4. Hvernig eru augun mín á litinn? 5. Láttu mig hafa gælunafn og útskýrðu afhverju þú valdir það. 6. Lýstu mér í einu orði. 7. Hvernig leist þér á mig þegar þú sást mig fyrst? 8. Lýst þér ennþá þannig á mig? 9. Hver er minn besti eiginleiki? 10. Hvað minnir þig á mig? 11. Ef þú gætir gefið mér eitthvað hvað myndi það vera? 12. Hversu vel þekkiru mig? 13. Hvenær sástu mig síðast? 14. Hefur þig einhvern tíman langað til að segja mér eitthvað en ekki getað það? 15. Ætlaru að setja þetta á bloggið þitt svo ég geti skrifað um þig?

Gloss í rauðvíni og týnd Hrönn!!

Jáhá.. eins og Unnur Stella benti réttilega á þá eru myndirnar úr partýinu ekki komnar inn... Skrifum það á tæknilega örðugleika... því það hljómar miklu betur heldur en að segja að ég hef bara hreinlega ekki komist í það að setja þær inn. En þær verða án efa komnar mjöööög fljótlega inn á myndasvæðið mitt góða.
Annars átti ég hrikalega skemmtilegt kvöld á föstudagskvöldið.
Ég og Nína skelltum okkur í heimsókn til Döggu sætu þar sem við elduðum ótrúlega góðan og girnilegan mat. Yfirkokkurinn Betty stóð sig með prýði! Síðan var horft á IDOL meðan við borðuðum ljúffengan kjúkling í tikkamasala með nanbrauði, salati og öðru góðgæti. Þetta var án efa besti idolþátturinn hingað til þar sem okkar manneskja, Elfa Björk, vann með yfirburðum.
Enda held ég að ég hafi kosið ... aðeins ... of ... oft... En það er bara allt í lagi.. mæli með því að þið fylgist vel með henni Elfu. Eftir að Idolinu lauk hófst mikið kjaftarí.. Við töluðum um allt milli himins og jarðar og þá bar hæst sagan góða frá reunion-inu í Chicago sem Dagga fór í.. að hitta krakkana sem hún var með í bekk 1758 f. Krist.. Hún er orðin svo helvíti gömul skvísan. Þá gerðist líka þetta fynda atriði og ég hef sjaldan hlegið jafn mikið... Má segja sem svo að við þrjár höfum fundið vel til í maganum í langan tíma á eftir! Ástæða hlátursins.. Gloss í Rauðvíni!!
Eftir mikið grín og glens hófst hin þriggja tíma bið eftir Hrönn Ámunda!
Vil ég hér með lýsa eftir Hrönn, sem er lágvaxin og myndarleg ung kona með fallegt rautt sítt hár! Það hefur ekki frést af henni síðan á föstudaginn.. Síðast sást til hennar vera að reyna að ná úrslitum idolsins á Stöð2 + í 108 Reykjavík. Viljum við biðja hana um að gefa sig fram hið snarasta og allir þeir sem hafa orðið varir við ferðir hennar eru vinsamlega beðnir um að láta undirritaða vita.
Við Nína og Dagga létum hins vegar deigan ekki síga og skelltum okkur í Trivial. Nína sigraði með naumindum eftir u.þ.b. 4 klst spil og vorum við Dagga rétt á hælunum á henni.. Við skulum a.m.k. segja að Ólafur Stefánsson handboltasnillingur með meiru hafi ekki verið vinsælasti maðurinn á svæðinu!!!

Takk fyrir frábært kvöld stelpur og gerum þetta sem fyrst aftur!

hummm?

hummm? Get ekki póstað neitt!!!
andsk#&$%$/

Frábært partý - takk fyrir mig Ólöf og Gummi

Ólöf og Gummi blésu í partýlúðrana föstudaginn 6. janúar sl.

Þar var saman komið mesta snilldarfólk sögu VR2. Það var ekkert smá góð mæting og alveg heljarinnar þrusu gaman. Eftirtaldnir létu sjá sig á svæðinu:

Lára - Ólöf - Gummi - Magnea - Sveinbjörg - Gummi - Ásta - Arnar - Úlfar - Ragga Dís - Nikki - Sigrún - Stebbi Eiríks - Steina - Kiddi - Vala - Jón Grétar - Beta - Ernir - Fjalar - Valur - Bjarni - Einar Pálmi - Björn Víkingur

Humm ég held ég sé ekki að gleyma neinum...

Þið hin sem ekki voruð í með löglega afsökun í útlöndum!!! HVAR VORUÐI!!!

Ég mæli hiklaust að við gerum þetta sem fyrst aftur og stefnum VÍR2003 genginu aftur saman! Það geta ekki annað en undur og stórmerki gerst þegar þetta merkisfólk hittist.

Stefni á að setja heitar myndir úr partýinu (ritskoðaðar) inn strax í kvöld.

Adios amigos

Rumor has it ..... OR NOT !

Skellti mér í bíó með þeim stöllum Nínu Björk og Guðrúnu... Sem er kannski ekki frá sögum færandi nema fyrir þær sakir að hann Oddur Bjarki, 6 ára frændi Nínu, var búinn að þrýsta á okkur að sjá hana.. Þetta væri svona ekta stelpumynd og hélt hálftíma heimspekilega umræðu um að þetta væri svo mynd um stelpu sem hefði "ruglast á ástum". Humm sögðum við.. og fengum þá þessa fínu útskýringu að það væri þegar stelpa væri skotin í manni sem væri svo skotinn í einhverri annari stelpu...Svo sem ekkert vitlaust hugtak. Hvað segið þið um það?

Nema hvað.. Við skelltum okkur á gott stelpukvöld í bíó.. og við vorum bara ekkert sáttar við þessa mynd.. Það bara gerðist hreinlega alls ekki neitt í myndinni...urðum bara svekktar..
Sæt skvísa á borð við Jennifer Aniston og töffarar á borð við Kevin Coster og Mark Ruffalo Buffalo Smöffaló.. og bara ekkert að gerast... pjumfff..

Well verðum að velja betri mynd næst stelpur...

Virkar svona rosalega vel :)

Haldið að það sé.. síðan komin í loftið :)
Endilega setjið í comment hvað ykkur finnst vanta svona á meðan síðan er í smíðum. Bý meira að segja ennþá yfir stórkostlegum HTML hæfileikum..
ha ha hummm...

Komiði blessuð og sæl!

Ég átti víst síðu hérna sem ekkert hafði verið skrifað á síðan ég var á leiðinni til Kína...
Til Kína fór ég víst aldrei... sökum fuglaflensu fórum við í staðinn í stóra reisu í Karabíska hafið og til USA. Síðan þá hefur töluvert mikið gerst og ætla ég nú ekki að fara að rekja fortíðina á þessum fyrstu upphafsorðum.
Prófum að sjá hvernig þetta á eftir að virka og vonandi koma svæsnar og skemmtilegar sögur hérna í framtíðinni :)